خانكێ..
سازكرنا روونشتنەكا ڤەكری لدۆر رێزگرتن ل پیرۆزیێن ئێزدیان و خورتكرنا گیانێ پێكڤەژیانێ ل كوردستانێ
تۆرا لالش:
دبەردەوامیا بزاڤ و چالاكیێن خۆ دا،بنگەهێ لالش تایێ خانكێ روونشتنەكا ڤەكری لدۆر چەند تەوەرێن جودا جودا بۆ 100گەنجان سازكر.
ل دەستپێكێ “عەنتەر كەلۆ “بەرپرسێ بنگەهێ لالش تایێ خانكێ ب خێرهاتنا ئامادەبوویان كر و چەندەك لدۆر رۆلێ بنگەهێ لالش ژبۆ پشتەڤانیا گەنجان و تەخا رەوشەنبیران دیاركر.
پاشی سمینارەك ژلایێ هەردوو سەرپەرشتێن پەروەردا ئێزدیاتیێ “عەنتەر كەلۆ” و “شكری رەشید” لدۆر رێزگرتن ل پیرۆزیێن ئێزدیان و پارستنا داب و نەریتا ژلایێ گەنجان ڤە و خورتكرنا گیانێ پێكڤەژیانێ ل كوردستانێ هاتە پێشكێشكرن.
د تەوەرەكێ دی دا سمینارەك هاتە پێشكێشكرن ژلایێ “خێری ئبراهیم” و” مستر براین” لدۆر خۆلا هیڤیێن گەش و ئاڤاكرنا گەنجان و باوەری ب خۆ هەبوونێ.
ل داویێ بنگەهێ لالش ب هەڤكاری لگەل مستر براین و رێكخراوا زلال نانخوارنەك بۆ پشكداران بەرهەڤكر.
تُتاح هذه الصورة أيضا في: کوردی
