ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

صباح سمیر:شنگال بوویە قوربانیا هەڤركیا سیاسی

شنگال بوویە قوربانیا هەڤركیا سیاسی
صباح سمیر
دبوویەرا ڤەگەڕاندنا هەژمارەكا خێزانێن عەرەب یێن سونەیان ژ باژێرێ‌ مووسل ژبۆ قەزا شنگال ل ژێر سەرپەرشتیا ڤێ‌ ڤەگەراندنێ‌ ژلایێ‌ فیرقەیا 20 یا لەشكەرێ‌ عێراقێ‌ بوو، ئەڤێ‌ چەندێ‌ دلگرانیەكا مەزن ژ خەلكێ‌ شنگالێ‌ ل دووڤ خۆ ئانی.
ئەگەر ئەم پتر ڕەهندێ‌ رەهـ و ڕیشالێ‌ ڤێ‌ چەندێ‌ بزانین دڤێت بزڤرن بۆ سەردەمێ‌ هاتنا داعش ژبۆ دەڤەرا شنگالێ‌ ل(3/8/2014)دەمێ‌ بەشەك ژ عەرەبێن سووننە ل شنگال تەڤلی ڕێكخراوا داعش بوون و كارێن كوشتن و ڕەڤاندن وهەتكبرنێ‌ ل دژی ئێزدیان ئەنجامدان،ئەڤا مە بەحسكری ئەگەرێ‌ سەرەكی یێ‌ وێ‌ نەرازیبوونێ‌ یە و هەر ل دەمێ‌ ڤەگەڕاندنێ‌ ژی ئێك ژ تیرۆرستێن داعش یێ‌ كو زڤری وەكی دڤیدیۆیەكا سۆشیال میدیایێ‌ دا دیار دبت كو كچەكا ڕزگاربوویا ئێزدی ژ دەستێ‌ داعش وی كەسی ناس دكەت كو ئەو داعش بوو.
ئەڤ خاڵا ل سەری مە دیاركری دەرگەهێ‌ نەرازیبوونێ‌ بەرفرەهـ دگەل هندەك لایەنێن تێكدەر ل شنگالێ‌ كو هەولا تێكدانا دەڤەرێ‌ دكەن،ب بەهانەیا كو هندەك ژ وان كەسان هێرێ‌ سەر مزگەفتەكێ‌ كریە كو ئەو ژی دا ئێزدی نێنە سووجداركرن،ئەڤ كارە دوورە ژ ئەخلاقێ‌ ئێزدیان و خزمەتا دۆزا مە ناكەت ئەڤە د دەمەكی دا تەڤاهیا ناڤەند و ڕێكخراوێن دنیایێ‌ پشتەڤانن بۆ دۆزا ئێزدیان.

باشترین چارەسەری ل سەر وێ‌ بوویەرێ‌ كو دا پتر شەرێن تایفی و توندرەی روونەدەت گەلەك گرنگە ئەڤ پێنگاڤ بێنە هاڤێتن و جێبەجێكرن دا پتر ڕەوشا شنگالێ‌ ئاسایی ببت، فەرە ئیدارەكا نوو ل گۆڕ خواستا شنگالیا بێتە دانان و حكومەتا عێراقێ‌ دەست ب چارەسەركرنا كەیسا شنگال بكەت و دادپەروەری بێتە جێبەجێكرن و ئەو كەسێن دەست د كوشتن و گرتن و ڕەڤاندنا ئێزدیان دا هەی بێنە گرتن و دادگەهكرن ،ئەگەر ئەڤ پێنگاڤ نێنە هاڤێتن و چارەسەركرن دێ‌ ڕەوش ئالۆزتر بت،چنكو ئەم دبینن كەرامەتا خەلكێ‌ دئێتە شكاندن كو ئەڤە پتر ژ هەشت ساڵایە خەلكێ‌ شنگالێ‌ دبن سەرما و گەرما خیڤەتان دا دنالت بێی ڕەوشا وان یا ب زەحمەت بێتە چارەسەركرن و كلیلا چارەسەریێ‌ د دەستێ‌ حكومەتا فیدرال دایە،لێ‌ ئەو ژی یارییا ب كەرامەت و هەستێن ئێزدیان دكەت و بێی كو برینا وان بێتە چارەسەركرن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi