ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

عاسیمە فەخری:هەڤژینی دناڤبەرا پڕۆسە و ئارمانجێ‌ دا

هەڤژینی دناڤبەرا پڕۆسە و ئارمانجێ‌ دا
عاسیمە فەخری
هەر ژ كەڤندا هەڤژینی بۆ ئاڤاكرنا خێزانەكێ‌ دهاتە پێكئینان، لێ‌ د نۆكە دا هەڤژینی ل سەر بنیاتێ‌ حەزا سێكسی و هەستا حەزژێكرنێ‌ دئێتە پێكئینان، د جڤاكێ‌ مەدا پێكئینانا هەڤژینیێ‌ دناڤ تەخا سنێلان و گەنجان دا ب ڕێژەیەكا زۆر زێدەبوویە، ب دیتنا من سەدەمێ‌ ئەڤێ‌ چەندێ‌ بۆ هزرا ئەوان سنێلان و گەنجان ڤەدگەرت، چنكو ئەو هزردكەن حەزژێكرن بتنێ‌ بەسە بۆ پێكئینانا خێزانەكێ‌، دبێژن ئەگەر كەسێ‌ بەرامبەر حەزژێ‌ بكەت دێ‌ یا/یێ‌ بەختەوەربت ل گەل و ئەگەر چاڤ چەند كێماسیان ژی ژێ‌ ببینت دل هەردێ‌ هێجەتان پێشڤەگرت.
ئەو نزانن هەڤژینی چییە؟ بەرپرسیارەتی چییە؟ دێ‌ چاوا سەرەدەریێ‌ ل گەل هەڤدوو ئەنجامدەن؟ دێ‌ چاوا ڕێزێ‌ ل خێزانێن هەڤدوو گرن؟ و دێ‌ چاوا ل سەر وان كاودانێن دئێنە پێش دخۆڕاگر و بێهنفرەهـ بن؟ و دێ‌ چاوان بەردەوام ل گەل ئێك بن؟ و دەمێ‌ زارۆك پەیدادبن دێ‌ چاوا پەروەردە و مەزن كەن؟ دڤێت باش ل بیرا مە هەمووان بت دەمێ‌ ئەم هیڤی و خۆشییا خۆ ب كەسەكی بتنێ‌ ڤە گرێ‌ ب دەین دێ‌ گەلەك یا ب ساناهی بت مرۆڤ بێ‌ هیڤی و بێزار ب بت د ژیانێ‌ دا،د ڕاستی دا مرۆڤ ل كەسەكی ناگەرت كو حەز ژ مرۆڤی بكەت، بەلكو ل كەسەكی دگەرت د كەسایەتی و سروشتێ‌ مرۆڤێ‌ بگەهت و دگەل یێ‌/یا باش بت، ئەگەر هەڤژینی ل سەر تێگەهشتن و ڕێزگرتن، دلۆڤانی، گرنگپێدانێ‌ هەستا بەرپرسیارەتیێ‌ بێتە ئاڤاكرن ئەڤە هەموو ب خۆ ڕامانا حەزژێكرنێ‌ ددەت و دێ‌ هەڤژینیەكا سەركەفتی بت، لێ‌ ئەگەر هەڤژینی ل سەر بنیاتێ‌ حەزژێكرنێ‌ ب تنێ‌ بێتە ئەنجامدان، دێ‌ وەكی وی ئاڤاهی بت كو ل سەر بنیاتەكێ‌ نەساخلەم و سست هاتیە ئاڤاكرن ماوێ‌ وێ‌ یێ‌ كورتە و دێ‌ ژناڤ چت.
پێتڤییە گەنجێ‌ مە تێبگەهت ئاڤاكرنا خێزانەكێ‌ ئامادەكاریێن پێشوەخت بۆ دڤێت ژلایێ‌ مێشكی و جەستەیی و دارایی ڤە، ئەو كەسێ‌/ا وەك هەڤپشك بۆ خۆ هەلدبژێری ب دڕێژاهییا سالێن تەمەنێ‌ تە دێ‌ ل گەل تەبت، ئەڤجا كەسا/ێ‌ گونجایی هەلبژێرە بۆ ئارامییا گیانێ‌ خۆ، دەمێ‌ كچێ‌ یان كوڕی حەزا ئاڤاكرنا خێزانەكێ‌ هەبت ل سەر دایك و بابان پێتڤییە ب شێوەیەكی تێروتەسەل پێناسەیا هەڤژینیێ‌ بۆ وان بكەت و كا چ تشتەك پێتڤییە بكەت و چ تشتەكی نەكەت، دیسا د هاریكاربن بۆ هەلبژارتنا كەسێ‌/ا گونجایی، ئەگەر پێشوەخت ئەوان هەلبژارتنا خۆئەنجامدابت و نەیا گونجایی بت ل گەل وی/ێ‌ پێتڤییە خێزان ب گشتی و دایك و باب ب تایبەتی ئەگەرێ‌ نەگونجانێ‌ بۆ وان ڕۆن بكەن و هەروەسان داكو بكارن بریارەكا دروست بدەن پێتڤییەكا بۆ ماوەیەكی هزرا خۆ بكەن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi