ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

پير خه‌لات ئه‌لياس:سەفەرا نان و ماستا

سەفەرا نان و ماستا

پير خه‌لات ئه‌لياس
هەر ژکەڤندا ئێزدیان بیر و باوەرێن خۆ ژ ئێکانیا خودێ کێم نەکرینە و رێ و رسمێن ئۆلی بداب و نەریتێن سروشتی بەردەوامی دایە ئێکانیا خودێ مەزن.
لەوما سالێ جارەکی ل دەسپێکا وەرزێ بەهارێ ل هەیڤا ئادارێ هەمو دەڤەرێن ئێزدیان هەر کوندەک رۆژەکێ تەرخاندکەن و خەلکێ کوندی دێ خێرا خۆ بەنە مالا مجێورێ کوندی کۆمکەن و ل وێ رۆژا تەرخانکری دێ وێ خێرێ بەنە لالشا نورانی و ئەو خێر تەڤلی خێرا هەموو ئێزدان دبت ل لالشێ و ل هەموو رۆژا خێر و زاد ژ وێ خێرێ تێتە چێکرن بۆ مێهڤانێن لالشێ لەوما کەسەکی ئێزدی خۆ ژ خێرێ بێ بەهر ناکەت و هەر دەم ئێزدی دبێژن: مال مالێ خودێیە و ناڤەک ژیێت خودێ خێرە.
نان دباوەریا ئێزدیاندە قوتێ ئیمانێیە و ژین و ژیارا بەرێ بەهرا بتر ل سەر نانی بوو و هەتا نهۆ ئەو کەسێ نان هەبت دێ شکردارێ خودێ بت.
ماست د باوەریا ئیزدیاندا هێڤێنێ وی ژ کانیا سپییە و لەوما ئیزدیان ب وان بیر و باوەرێن موکم و ئیمانەکا ساخلەم نان و ماستێ خۆ دبەنە لالشا نورانی و هەر وەسا وەک هێڤێن پرتەکە نانی و فرتەکە ماستی دێ مورکەن ل کانیا سپی و دئینە مالا خۆ بوو هێڤێن و بەرکەتا مالێ و بەراتەکێ تینن وەک تەسکەرا رێ و رێباریا و سلامەتیا خودانی ژ نەبوو و بۆختانە و بۆ زانین ل سەر ڤی دەمی خێر بەر فراترە ژ بەرێ لەوما نهۆ خێرا دبەنە پەرستگەها لالش (زەیت و برنج و ساڤار و دەهن و خۆی و شەکر و چای) یە و ..هتد …. ل گۆڕ تاقەتا خۆ خێرێ دکەن و ناڤێ وێ خێرە.
ئەڤ باوەریا هەرە مەزن رامان ژێ ئێزدی مللەتێ نوورا خودێنە و هەتا نهۆ ب ڤان رێ و رسم و داب نەریتێن پیرۆز ئێکانیا خودێ بجهـ تینن و د ئێزدیاتیێ دا سەفەرا نان و ماستا خودێ ناسینە و خێر و بەرەکەت ژ جەم خودێیە و خێر ناڤەکی خودێیە و خودێ و سلتان شیخادی و خاس و قەلەندەرێن لالشا نورانی دوعایێ ل خێر و خلمەتێن هەموو خودان خێرا بکەت و خێرا هەر کەسەکی ژێرا بخێر بنڤیسیت و هەر وەسا مجێورێن ل لالشا نورانی و سەردەریێ شیخادی و میر و بابە شێخ و جڤاتا روحانیا و شێخ و پیر و مرید دوعایێ ل خێرا هەمووان دکەن ل پەرستگەها پیرۆزا لالش.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi