خێر و شەڕ ژ دەرگەهێ خودێ دئێن
پیر خەلات ئەلیاس
كنیات بۆش بوو لەوما نەخۆش بوو، ژمارا مرۆڤان 8 ملیار دەربازكرن و قەدر و ڕێز و ڤیان و وژدان و باوەری بوونە بەرژەوەندی،لەوما باوەریا پتریا خەلكی یا بوویە ڕوومەت و ب شێوەیەكی مەزناتیێ و ناڤودەنگیێ و هزرا وان ڤالابوویە ژ هەبوونا هەقیێ و دادپەروەریا خودایێ مەزن.
بەلێ دەمێ كەسەك تەنگاڤ بت دێ خۆ ل خودێ گرت و هیڤی و داخوازیێن خۆ ژ خودێ دكەت و دێ بتە تۆبەدار و هیڤی و ئۆمێدێن وی ل بەر رەحما خودێیە و خودایێ مەزن دلۆڤانیا خۆ دگەل دكەت و ئەو كەسە بخۆ هێزەكا هزری چێدكەت و باوەریێ د دەتە خۆ و دگەهتە خێرێ و فرەهیێ،بەلێ دەمێ ئەو كەسە ژ تەنگاڤیێ قورتال دبت و ل سەر ڕێیا راست یا خودێ نەمینت ئەو كەسە دێ كەفتە ڕێزا بێ باوەریێ و بێ مروەتیێ و بێ وژدانیێ و دێ ڕۆژەكێ گەرا وی ئێت و بەهرا وی شڕا و هەزار ئێك ڕەنگێت شەڕا وێت هەین،دەمێ باران دبارت بۆ هندەكا خێر بۆ چاندن و دەخل و دانی ژبەركو دبتە خێر و بەرەكەت و گەلەك وەلات پێ ئاڤا دبن،هەروەسا دەمێ باران دبارت ل هندەك جییا یان ل باژێرێن كند و بلندی لێ هەین ئاڤ لێ رادبت و دبتە شەڕ و بەڵا بۆ وان ،ژبەركو خانی د هەرفن و هندەك جاران تەزر دێ بارت و زیان و زەرەرێن مەزن ب زەڤیان و چاندنیێ و جۆتیاران دكەڤت، لەوما ئەڤە هەموو هەر ئەو بارانە یا كو بۆ هندەكا خێرە و بۆ هندەكا شەڕە.
ژ ئەدەبێ دینێ ئێزدیان د دەتە دیاركرن:
رۆژەكێ دێ بتە هزێز و كازی
زۆر دێ ل وێدەرێ مینن رووس و تازی
ئەوێ رۆژێ پەدشا دێ هەقیێ و نەهەقیێ ژ مە خوازی.
هەر وەكا ڤان ئەرد هژێن چێدبن گەلەك ژی ژ ئالیێ كەس و كاران ڤە رووس و تازی بوون،لەوما گەلەك ل كار و كریارێن خۆ د پۆشمانن و هەقیا خودێ هاتە بەر چاڤان،ئەفەرم بۆ وان یێ خودێ ژ بیرنەكری و خودێ مەفەرە و رەحما وی گەلەكە و هەر گاڤا خێر و شەڕ پێكڤە دارژیان دێ تەڕ و حشك پێڤە شەوەتن.
تُتاح هذه الصورة أيضا في: کوردی
