ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

دەولەت دومان:بۆچی ژیانا هەڤژینیێ‌ شاش ئەنجام ددەن؟

بۆچی ژیانا هەڤژینیێ‌ شاش ئەنجام ددەن؟
دەولەت دومانپێكئینانا خێزانێ‌ د ڤی سەردەمی و ڤان چەند سالێن بۆری دا ژیانا هەڤژینیێ‌ دناڤبەرا كچ و كوڕان دا ب شێوەكی شاش دئێتە ئەنجام دان،چنكو پەیوەندیەكا نەدروست و نەشەرعی پێكدئینن و پاشی ل سەر ئەنجام دانا پرۆسا هەڤژینیێ‌ دێ‌ ریَِككەڤن و ئەنجام دەن،ئەڤجا ئەڤ پەیوەندی یە ل سەر بنیاتێ‌ تۆرێن كۆمەلایەتی بت یان هەر چ ڕێك بت گرنگ یێن ڕێككەفتین.

ئەڤ جۆرێ‌ پەیوەندیا ل سەر بنیاتێ‌ تۆرێن كۆمەلایەتی دئێتە ئەنجام دان ب دیتنا من یا دروست نینە،چنكو چ كور بت یان كچ نۆكە دگەل هندەكێن دی ژی ئاخفتینە و پاشی دێ‌ بریارێ‌ دەن خێزانێ‌ پێكبینن، كچ دێ‌ كوری تاقی كەت و پاشی دێ‌ بەحسێ‌ پێكئینانا هەڤژینیێ‌ كەت و بۆ ماوەیەكی درێژ ئەڤ بابەتە دناڤبەرا وان دا دێ‌ ڤەكێشت، و كور ژی گەلەك بابەتان دێ‌ بۆ كچێ‌ بەحس كەت و دێ‌ بێژتێ‌ من ئەڤ تشتە یێن هەین و دێ‌ بۆتە هۆسا و هۆسا كەم و كچ ژی باوەر دكەت و كچ و مالا كچێ‌ فشارێ‌ ل كوڕی دكەن سۆزێن خۆ بجهـ بینت و ب ڤان مەرجان كچ رازی دبت و دبێژتە كوركی توو ئێكەم كەسی دگەل ئاخفتیم و من مالەك و ترومبێلەك و زێران و دگەل هندەك تشتێن دی دڤێن،ئەڤە سەرەرای وێ‌ چەندێ‌ دەیك و بابا ئاگەهـ ژ سۆزان نینە،هەرچەندە تشتێن كچێ‌ دڤێت ڕەنگە نە ل پەی دابونەریت و بارودۆخێ‌ كوری و كچێ‌ هەردوویان بن، و ڕەنگە د گەلەك خاڵێن دی دا بارودۆخێ‌ وان هەڤنەگرن یان د جیاواز بن دگەل جیاوازییا بارێ‌ جڤاكی،لەوران بریارا كچ و كوری دایی ل سەر ئاستەكێ‌ شاش یێ‌ دایی، ژبەركو وان دڤێت بۆ خۆشیا خۆ خێزانێ‌ پێكبینن، دەما خێزانێ‌ پێكدئینن تووشی ئاریشان دبن و چارەسەر نابن ژبلی وان خێزانێن دكارن ل سەر ئاریشان زاڵبن و زال دبن و چارەسەر دكەن، یێن نكارن چارەسەر كەن ڕەنگە بگەهتە قۆناغا ژێكڤەبوونێ‌.

لەوران ب دیتنا من ژ هەردوو لایان ڤە دڤێت دەیك و بابان ڕۆلەكێ‌ ئەرێنی هەبت د پێكئینانا پرۆسا هەڤژینیا كچ و كورێن خۆ دا،داكو ئەنجام دانا پرۆسێن هەڤژینێن وان ل سەر بنیاتەكێ‌ راست و دروست بت و دوور بن ژ نەخۆشیان.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi