ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

دلدار محەمەد:قەیرانا دەست ژكاركێشانێ‌ و پەیداكرنا وێرانییێ‌

قەیرانا دەست ژكاركێشانێ‌ و پەیداكرنا وێرانییێ‌
دلدار محەمەد
گەلەك جاران ل وەلاتێن جیهانا پێشكەفتی كەفتیە بەرچاڤ رێڤەبەرەك یان سەركردەك یان وەزیرەك … هتد ب وێرەكی و گەلەك جاران ژی بەرامبەری چاڤكێن كامیران و ب شانازی ڤە دەست ژ كاركێشانا خۆ راگەهاندیە و كارێ‌ خۆ رادەستی كەسەكێ‌ دەستهەلات تر و ژ هەژی تر كریە،ئەو ژی ژ پێخەمەت سەرفەرازییا دكاری دا و پێشڤەبرنا خەلك و ئاخ و باژێر و مللەت و وەلاتێ‌ خۆ دانپێدانێ‌ ب لاوازیا رێڤەبرنێ‌ دكەت، رەنگە ژی دبنەكۆك دا یێ‌ لاواز نەبت بتنێ‌ كاودانەك رێگربت كو رۆلێ‌ خۆ نەبینت بەلێ‌ ئەو ڤێ‌ چەندێ‌ ل سەرخۆ قەبول ناكەت كو لاوازی ل سەر ناڤێ‌ وی یا بەردەوام بت.
بەلێ‌ یا سەیر ئەوە ئەڤ كریارا دانپێدان ب لاوازی و دەست ژكاركێشانێ‌ ژ پێخەمەت رادەستكرنا دەستهەلاتا خۆ بۆ كەسەكێ‌ ژ هەژی هەتا نۆكە وەك پێتڤی ل دەڤەرا ئەم لێ‌ دژین ل بەرچاڤان نەكەفتیە، ئەز ل وە ناڤەشێرم پرانییا وان دەست ژكاركێشانێن هەین ژی مرۆڤ هزر دكەت نە لدووڤ حەز و دلخوازییا كەسانە بەلكو ل بن فشارێن جوداجودا دئێنە دان و ئیمزاكرن ژبەركو هەتا نۆكە كەلتۆرێ‌ دەستبەردانێ‌ ب ئنیەتا چاككرنێ‌ ل نك مە هەبوونا خۆ نینە، ل سەر بنەمایێ‌ (خۆ بفریت ژی هەر بزنە) ئەم وێران دكەین و ئەم هەر هەست دكەین ئەم خزمەتێ‌ دكەین! ئەڤەژی بۆ چەرخێ‌ بیست و ئێكێ‌ و گەهشتنا جیهانێ‌ بۆ ئاستەكێ‌ بلندێ‌ كارگێری و رێڤەبرنێ‌ كارەساتەكا مەزنە و ژ هەژی لێزڤرینێ‌ یە ،لەوما گرنگە دەست ژ كاركێشان د مێشكێ‌ مە دا ببتە رەوشەكا نۆرماڵ نەكو جیێ‌ شەرمەزاریێ‌، ژبەركو ئەڤ كریارە سەرفەرازیە و رامانا هشیاریا تاكییە ئەگەر بەرهەمێ‌ چ رەفتارێن شەرمەزاركەر نەبت،هەردەمێ‌ مە كاری ب چاڤەكێ‌ پیرۆز تەماشەی كار و رێڤەبرنا وی بكەین هنگی ئەم دێ‌ كارین دەست ژكاركێشانێ‌ ب خالەكا وێرەك و هشیارانە بینین، بەلێ‌ هندی رێڤەبرنا مە بۆ تژیكرنا بەریكێ‌ بت نەكو بۆ ئارمانج و پیرۆزیان و ئاڤاكرنا وەلاتی بت دێ‌ دەست ژكاركێشان ل نك مە پەیڤەكا كوڤی بت و هەتا سەر گۆپالی ژی دانپێدانێ‌ پێ‌ ناكەین كو كەسێن ژمە هەژیتر هەینە بگرن، لەوران دەست ژ كارنەكێشانێ‌ خەمساری و نەگونجانا كاری بەرەف هەرفینێ‌ بریە.
لەوران ب ڤی رەنگی بت هزركرنا مە دێ‌ مە بەرەف ژ ناڤچوونێ‌ دەتەرێ‌ لەوما هندی زووتر بت باشترە هزر د هاڤێتنا گاڤان دا بكەین بۆ كەهیكرنا ڤی تێگەهی د سازی و رێڤەبەریان دا،چنكو ئەڤە گاڤەكە بۆ قورتالبونێ‌ ژ رەفتارێن تاكەكەسێن ب بەرتەنگی تەماشەی رێڤەبرنێ‌ دكەن و غاردانە بەرەف پێشڤەبرن و ئاڤاكرن و ئاڤەدانییێ‌.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi