ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

نەشوان خەلۆ:ئەگەرێن خۆكوشتنێ‌ دناڤ ئاوارەیێن شنگالێ‌ دا

ئەگەرێن خۆكوشتنێ‌ دناڤ ئاوارەیێن شنگالێ‌ دا
نەشوان خەلۆ
پشتی 2014ێ‌ ئەو جینۆسایدا مەزنا بسەرێ‌ ئێزدیان دا هاتی كو ب هەزاران خەلكێ‌ شنگالێ‌ ئاوارەبوون و هەتا نهۆ دناڤا كەمپان دا ژیانەكا گەلەك ب زەحمەت دەرباز دكن و ئەڤ چەندە بووە ئەگەر كارتێكرنەكا مەزن ل سەر دەروونێ‌ ئاوارەیان چێببێ‌،ژبەر هندێ‌ حالەتێن خۆ كوشتنێ‌ دناڤ كەمپێن ئاوارەیێن شنگالێ‌ دا زێدەبووینە،ل گۆرەی ئامارێن قایمقامێ‌ قەزا شنگالێ‌ پشتی جینۆسایدێ‌ هەتا 2021 حالەتێن خۆ كوشتنێ‌ دناڤ ئاوارەیان دا گەهشتینە 250 كەسان كو بارا بتر ئافرەتبوون.

زێدەبوونا بەلەنگازیێ‌ و بێكاریێ‌ و كێمبوونا رێكخراوان دناڤ كەمپاندا و پشت گۆه هاڤێتنا ئاوارەیان ژلایێ‌ حكومەتا عێراقێ‌ ڤە و نەدیتنا چارەسەریەكێ‌ بۆ وان،ئەگەرێن سەرەكینە ژبۆ زێدەبوونا حالەتێن خۆ كوشتنێ‌،بێگۆمان ئەگەر كەسەك نێزیكی هەشت سالان د خیڤەتەكێدا بمینت دناڤ كاودانێن سەخت و دژواردا بێی هیچ هیڤی و ئۆمێدەك كو جارەكا دی ڤەگەرتە وارێ‌ خۆ دێ‌ هزرا خۆ كوشتنێ‌ كەت،ب مخابنیڤە هەتا نهۆ چ پێنگاڤێن گرنگ نەهاتینە هاڤێتن ژبۆ كێمكرنا ئەڤان حالەتێن خۆكوشتنێ‌ و دیتنا چارەسەریەكێ‌ بۆ وان.

ژبەر هندێ‌ ئەركە ل سەر حكومەتێ‌ كو بلەز ل چارەسەریەكێ‌ بگەرێ‌ داكو ئاوارەیێن شنگالێ‌ ژڤێ‌ مەترسیێ‌ دەربێخێ‌،هەروەسا دەست ب ئاڤەدانكرنا شنگالێ‌ و دابینكرنا خزمەتگۆزاریان بكەت داكو ئاوارەیێن شنگالێ‌ ب زووترین دەم ڤەگەرنە سەر جی و وارێن خۆ ڤە.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi