ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مەھدى حەسەن:سالڤەگەرا بنگەھێ لالش ب دلەكێ پڕ خەمگین و مەلول ئيساله‌ دێ ئێتە ب رێڤەبرن 

سالڤەگەرا بنگەھێ لالش ب دلەكێ پڕ خەمگین و مەلول ئيساله‌ دێ ئێتە ب رێڤەبرن 

مەھدى حەسەن
ھەر چەندە سالڤەگەرا بنگەھێ لالش رۆژەكا دیرۆكی و گەشە ل كوردستانێ، دلشۆزێن رێبازا لالش ھەر سال ڤێ رۆژێ بەرز و بلند د نەرخینن نەخاسمە دەستەیا بلندا بنگەھێ لالش دگەل ئۆرگانێن خۆ بەرنامە و ئاھنگ و چالاكیێن جورا و جۆر ئەنجامدان و پێشوازیا جەماوەرێ كوردستانێ د كرن ب ھەمی ئاین و ۆپێكھاتێن ھەین، جھێ داخییا ئەڤ سال قەدەرێ نەھێلا ب گەھین ھیڤی و مرازا و ڤێ رۆژێ بخۆشی دگەل ئێك ببورین سەرەرای ئەو نەھامەتی و نەخۆشیێن ب سەرێ مللەتی ھاتین ب مخابنیەکا یەکجار مەزنڤە بەری دەمەکی کورت مە دو ستوونێن موکووم ژیێن ئاڤاکرنا بنگەهێ لالش ژدەست دان کو ئەوژی هەر دوو خوەدێ ژێ ڕازی پیر خدر سلیمان و شێخ شامۆی كۆ نەد چاڤەڕێ كری بین وەسا ب تەسەلی ھەر دوو كەسێن كاریزما و زانا و شاروزایێن ئێزدیاتیێ و دامەزرینەرێن لالش دێ مە ھێلن و ئەو بەرناما و بیر و بۆچۆنێن ھاتینە دیراسەت كرن نەخاسمە ژ لایێ ڤان ھەر دوو كەسا ڤە ژ بۆ زەنگین كرنا بنگەھێ لالش و ساخكرنا سالڤەگەرا بنگەھێ لالش و ئەنجامدانا كۆنگرێ لالش د دەستێ مە دا ساركرن ، ئەم ل ھیڤیا ڤان ھەر دوو چوامێرا بین پێكڤە كارەكی وەسا بكەین كو بنگەھێ لالش بتر گەشەكەین و كونگرەكی دەكمەن ئەنجامدەین و چاڤەریێ گەلەك كارێن مەزن بین لێ فەلەكێ چەرخا خۆ لێ دا ھەر دوو كەسایەتیێن كورد پەروەر ودلشۆزێن ئێزدیاتیێ و رێبەرێن لالش ژ ناف مە برن، ئەم دلكەسەر كرین و دەستێن مە ژ كار خەباتا لالش لەنگ كرن سەد حەیف و مخابن بو ڤان زانایێن ئێزدیاتیێ د ئەڤ سالدا مە ژ دەستدان، ئەم نزانین جارەكا دی چاوا ب كەڤین خزمەتی و ئەڤ كەسێن بەركەتی نە ل ناڤ مەدا ! بەلێ مە سۆز و پەیمان یێت داین دێ دگەل شێخێ خو و پیرێ خو دابین دێ كاروانێ خەباتا لالش بەردەوام بیت و دێ كەڤین قادا خزمەت و خەباتێ دێ گیانێ پیر خدر و شێخ شامو تەنا كەین ئەم ھەڤچەپەرێن وان دێ كاروانێ خەباتێ بەردەوام ھاژون تا د گەھین كوردستانەك ازاد ئێزدی و ئێزدیاتی تێ دا سەربەرز و سەربەست بژین ژبەر كو بنگەهێ لالش دەستكەفتەكێ گرنگێ بزاڤا ڕزگاریخوازا كوردستانێیە ل ساڵا ١٩٩٣ێ لژێر دروشمێ (لالش كانیەكا زەلالە دهورتە د ڕووبارێ ڕەوشەنبیریا كوردیدا) ئاڤا بوو. دگه‌ل هه‌مى ئالۆزى و ئاستەنگێن دكەتنە پێشیا ڤى بنگەهێدا، لێ ب هـەولدان و ماندیبوونا ڕەوشەنبیر و ئەكادیمى و خەمخۆرێن كولتوور و جڤاكا ئێزدییان، بنگەهێ لالش خوە ڕاگرت، بەردەوام پێشكه‌ت و وه‌كى دەزگایەكێ نەتەوه‌یى، ئاینى، ڕەوشەنبیرى و جڤاكى دناڤا سازی یێن هـەرێما كوردستانێدا، جهـەكێ هێژا گرت ، ژبەر كو ل دەسپێكا لالش ھاتيە دامەزراندن ب راستى د قوناغەكا سەخت و دژواردا دەرباس دبو ٩٠٪‏ ژ ئێزديا ل ژێر دەستێ رژێما بەعسا عەفلقێ گۆربەگۆر بوون و ١٠٪‏ د ئازادبوون ل ھەرێما كوردستانێ ئەڤ بنگەھێ لالش خەونا ھەمى دلشوزێن ئێزدياتيێ بو ل سەر دەستێ ژمارەكا رەوشەنير و كەسايەتێن دەكمەن نەخاسمە رۆلێ پیر خدر و شێخ شامو كو رۆلەكی سەرەكی ھەبین ب پالپشتيا حكومەتا ھەوێما كوردستانێ ھاتە دامەزراندن ل رۆژا (١٢/٥/١٩٩٣)ل دھوكا داسنا ل ڤان سالێن بورى بەشەكى زۆر ژ ئێزيدخانێ يى ڤەقەتيا بو ژ كوردستانێ ھەتا سالا ٢٠٠٣ ئەڤى بنگەھى رولەكى ئەكتيف يێ گرنگ د گێرا بو بالكيشى و سرنج راكێشيا ھەمى خەلكێ كوردستانێ نەخاسمە ئێزديا ب دەستكەفتەكى مەزن دا زانين ، حكومەتەك ھەبت پشتى ئەڤ زولم و زۆرداريا ل ئێزديا ھاتيە كرن ل سەر دەستێ حكوماتيێن شوفينى و ديكتاتور ل ڤان چەرخێن بورى ونھا بڤى تەرزى حكومەتا كوردستانێ رێز ونەوازشا ل ئولا ئێزدياتيێ بھێتە كرن و ئێزدى د ئازاد سەرفراز بن ب راستڤەكرنا شاشێن ل سەر ئێزديا ھاتينە بەلافكرن و ئەو بوختانێن ل سەر ئێزدياتيێ دبێژن ،
دووبارە پيرۆزبت (٢٩) سالیا دامەزراندنا بنگەھێ لالش ل تەڤايا گەلێ كورد و كوردستانێ بگشتى و ئێزدخانێ بتايبەت ، ھێڤيدارين بەردەوام ئەڤ خزمەت و خەبات بھێتەكرن بۆ ب دەست ڤەئينانا درۆشمێ لالش ژبەر كو بەرەڤانيكرن ژ كوردستانێ ئەركەكى ئولى و نەتەوەيە و ئەردەك ل جيھانێ نينە بناڤێ ئێزيدخانێ تەنھا كوردستان نەبت ئاڤەدان و ئاراميا كوردستانێ دێ ئێزدياتى د گەشەكرنێ دابت و دێ ب ھەمى مرازێن خو شادبت .

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi