پارتی ناڤێ كوردستانێ لسەر نەخشێ جیهانێ دروستكریە
دلڤین شەماڵ
پارتی دیموكراتی كوردستان ل رۆژا هاتیە دامەزراندن هەتا ئەڤرۆ هەموو بزاڤ و ئارمانج و شۆرشا وێ بۆ كوردایەتیێ و سەربەخۆیێ و دروستكرنا كیانەكێ سەربەخۆ بوویە و مەزنترین دەسكەفت بۆ گەلێ كورد لسەر دەستێ پارتی دیموكراتی كوردستان سەركردایەتی پارتی و رابەرێن پارتی هاتینە بجهكرن ، ل شۆرشێن ئیلۆن و گۆڵانی هەتا راپەرینا ساڵا 1991 ێ پارتی پێخەمەت دروستكرنا كیانەكێ سیاسیێ سەربەخۆ بۆ كوردستان شەرێ مان و نەمانێ دكر هەر وەك بارزانی نەمر دپەیڤەكا خۆیا زێرێندا دبێژیت (شەركرنا مە پێخەمەت نەمانا شەری یە ) ل وی دەمی هەتا نوكە سەركردایەتا پارتی ل بارزانی نەمر و سەرۆك بارزانی هەتا ئەڤرۆ خۆ ب خودانێ كوردستانێ لەورا زۆرترین قوربانی بۆ گەلێ خوە داینە و گەلێ كورد ل هەر چوار پارچێن كوردستانێ دزانن ئەگەر سەركردایەتیا پارتی نەبا ئەڤ ئازادی و ئاڤەدانی و ئارامیا ل كوردستانێ هەی نەدبوو، پارتی دیموكراتی كوردستان بوو سەركێشیا ریفراندۆما سەربەخۆیا كوردستانێ دكر ل ساڵا 2017 تایبەت جەنابێ سەرۆك بارزانی كۆ مەزنترین دەسكەفت بوو د هەماندەمدا مەزنترین خیانەت ل ریفراندۆمێ و گەلێ كورد هاتە كرن ، وی دەمی هەمیا هزر كر كوردستان بەرەڤ دووماهیێ پێنگاڤا دهاڤێژیت بەلێ سیاسەتا سەرۆك بارزانی و سەركردایەتیا پارتی جارەكادی كوردستان پاراست و جارەكادی سەرێ بڵند كرە كلیلا چارەسەریا ئاریشێن كوردستان و عیراق و دەڤەرێ ، پارتی لسەر ئاستێ نافخۆ دەرڤە ب وێ چەندێ هاتیە ناسین كۆ هەردەم رێگر بوویە ل زیان گەهاندنێ ب كوردستانێ و شەر كەرێ ئێكێ بوویە لسەر كوردستانێ هەر پارتی خۆ ب خودانا كوردستانێ زانیە ل هەمووقوناغا دا و هەرپارتی دێ مینیت سەر كێش و رێبەرا گەلێ كورد پارتی لسەر ئاستێ نێڤدەوڵەتی ناڤێ كوردستانێ لسەر نەخشێ جیهانێ زێدەكریە ب وێ سیاسەتا ب هێز ، پارتی شەرا لسەر پاراستنا دەسكەفتنان دكەت ژبەركۆ پارتی دزانیت چەند قوربانی داینەو دێ چەوا پارێزێت یێ قوربانی نەداین چۆ تشت بۆ وی گرنگ نینە و هندەك لایەن چۆ گرنگیێ ب دەسكەفتان نادەن بەڵكۆ دڤێت دەسكەفتا ژناڤ ببەن بەلێ هەتا پارتی هەبیت دێ حاكمێ ئارامیێ و ئاڤەدانیێ و دەسكەفتا بیت .
تُتاح هذه الصورة أيضا في: کوردی