ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

كچەكا رزگاربوویا ئێزدی:تیرۆرستێن داعش ئەشكەنجە داین

كچەكا رزگاربوویا ئێزدی:تیرۆرستێن داعش ئەشكەنجە داین
تۆرا لالش:
نوورا كچەكا رزگاربوویا ئێزدی یە ل سالا 2014ێ‌ ژلایێ‌ تیرۆرستێن داعشێ‌ ڤە ل شنگالێ‌ هاتبوو گرتن،ئاشكەراكر كو ل بن دەست داعش تووشی ئەشكەنجەدانێ‌ بووین و كرین و فرۆتن ب مە دهاتە كرن،هەتا نهۆ ژی ژبەر ئێش و ئازار و دەردێ‌ خۆ دنالم.

نوورا شنگالی كو ماوێ‌ چار سالان ل بن دەستێ‌ تێرۆرستێن داعشێ‌ دا بوو،چیرۆكا گرتنا خۆ ڤەدگێرت و بۆ باسنیوز گۆت:ل رۆژا 3/8/2014ێ‌ تیرۆرستێن داعش ل شنگالێ‌ ئەم گرتین و ب زۆرداری ژ مالباتا خۆ هاتمە جوداكرن و برمە نەینەوا و فرۆتمە ئێك ژ چەكدارێن خۆ كو ئەو چەكدارە كەسەكێ‌ عەرەب بوو و خەلكێ‌ گوندەكێ‌ نێزیك شنگالێ‌ بوو و ئەوی كەسی بەری فرمانێ‌ تێكەلیەكا خورت دگەل مالا بابێ‌ وێ‌ هەبوو،ئەوی تیرۆرستێ‌ داعش ژ نەینەوایێ‌ ڤەگوهاستمە خانەسۆرێ‌ ل شنگالێ‌ و ماوێ‌ چار رۆژان ل وێدەر بووم،لدووڤدا ڤەگوهاستمە نەینەوا و پاشی ئەو تیرۆرستە د هێرشەكا فرۆكێن هەڤپەیمانێن شەرێ‌ ل دژی تیرۆرستێن داعش ل رەبیعە هاتە كوشتن و ئەز ژی ل وێدەر بریندار بووم.

نوورایێ‌ د درێژیا ڤەگێرانا سەرهاتیا خۆ یا راستەقینەدا دیاركر،لدووڤ دا تیرۆرستەكێ‌ دن ڤەگوهاستمە گەیارە و ئاینێ‌ من دا ناسین و فێری ئاینێ‌ خۆ دكرم،پاشی هەولدا بەرەف باژێرێ‌ كەركووكێ‌ برەڤم د زالگەهەكا تیرۆرستێن داعش دا جارەكا دن هاتمە دەستەسەركرن و ڤەگەراندن بۆ لایێ‌ ئەوی تیرۆرستێ‌ ماوێ‌ چار مەهان ئەشكەنجە دایم و د ژۆرەكێ‌ دا دانابووم كو ئەو ژۆرە جیێ‌ خوارن و نڤستن و ئاڤدەست و هەموو تشتەكێ‌ وێ‌ بوو، لەورا دوێ‌ ژۆرێ‌ دا پیستێ‌ لاشێ‌ وێ‌ تووشی نەخۆشیێ‌ بوو،چەندین كیسێن ئاڤێ‌ دناڤ زكێ‌ من دا پەیدابوون.

گۆتژی ژبەر وان كیسێن ئاڤێ‌ یێن دناڤ لاشێ‌ وێ‌ دا بۆ ماوێ‌ 15 رۆژان ل نەخۆشخانەیەكا مووسل دا كەفتبووم و نەشتەرگەریەك بۆ من هاتە ئەنجامدان،هەتا نهۆ ژی ژبەر ئێش و ئازار و دەردێ‌ خۆ دنالم، هەر د وی ماوەی دا زۆر جاران كرین و فرۆتن بمن دهاتە كرن.

ئاشكەراكر ژی ل بن دەستێ‌ تیرۆرستێن داعشێ‌ دا تووشی گەلەك نەخۆشیێن دەروونی بووم ئەو ئاڤا ددا مە گەلەك یا پیس بوو و ناچار دكرین ڤەخۆین، ژبەر وێ‌ ئاڤا پیس ئێش و نەخۆشی ل مە پەیدادبوون،هەست دكر ئەو تیرۆرستێن داعش تشتەكی دناڤ ئاڤێ‌ دكن چنكو گەلەك یە پیس بوو ئەم تووشی هەموو نەخۆشیێن لەشی د بووین.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi