كۆمسیۆن : ئه‌م ئاماده‌كاریان بۆ كرنا هه‌لبژارتنان دكه‌ین
گاڤ – تایبه‌ت
كۆمسیۆنا بلندا سه‌ربه‌خۆ یا هه‌لبژارتنان بۆ گاڤ راگه‌هاند، وان ده‌ست ب ئاماده‌كاریان بۆ كرنا هه‌لبژارتنان د ده‌ما خۆ دا كرینه و هێشتا ئێك لانه‌بوویه كیش تۆمار دێ هێته بكارئینان.
هندرین محه‌مه‌د، سه‌رۆكێ كۆمسیۆنا بلندا سه‌ربه‌خۆ یا هه‌لبژارتنان بۆ گاڤ گۆت: كۆمسیۆنا بلند هاته كاراكرن ئه‌و پێنگاڤ ب گرنگ ناڤكر و راگه‌هاند، ده‌لیڤه هه‌یه بۆ راستڤه‌كرنا قانوونا هه‌لبژارتنان و وه‌ك كۆمسیۆن ئه‌و نوكه ئاماده‌كاریان بۆ كرنا هه‌لبژارتنان دكه‌ن.
هه‌روه‌سا گۆتژى: هێشتا بڕیار ب فه‌رمى نه‌گه‌هشتیه ده‌ستێ وان، لێ كار ژ ئالیێ وان ڤه به‌رده‌وامه و دوپاتكر، هێشتا ئێكلانه‌بوویه كیش تۆمارا ده‌نگده‌ران بهێته بكارئینان، پشتراستكر ژى دێ تۆمار یا پاقژ بیت.
ل دۆر بودجه‌یا پێدڤى ژى ئاشكراكر، 25 ملیۆن دۆلار بۆ هه‌لبژارتنان پێدڤى نه و پتریا وى پاره‌یى بۆ مووچه‌یێ فه‌رمانبه‌رێن سه‌ر سندۆقێن ده‌نگدانێ دچیت و دێ بزاڤان كه‌ن ئه‌و پاره‌یه بهێته كێمكرن.
تُتاح هذه الصورة أيضا في: کوردی
