ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سوودانى : هه‌ڤبه‌ستێن په‌ترۆلێ یێن هه‌رێما كوردستانێ سته‌م تێدایه‌

سوودانى : هه‌ڤبه‌ستێن په‌ترۆلێ یێن هه‌رێما كوردستانێ سته‌م تێدایه‌
خانى نيوز:

سه‌رۆكوه‌زیرێن عیراقێ دبێژیت: ئه‌و هه‌ڤبه‌ستێن په‌ترۆلێ یێن هه‌رێما كوردستانێ دگه‌ل كۆمپانییان گرێداین، ژلایێ كۆمپانییانڤه‌ مه‌رج تێدا هاتینه‌ سه‌پاندن و سته‌م تێدایه‌، ئاماژه ب هندێ ژى كر، شه‌رێ داعشێ و برینا به‌شه‌ بودجه‌ى، هه‌رێما كوردستانێ نه‌چار كر به‌ره‌ڤ وان هه‌ڤبه‌ستانڤه‌ بچیت.
محه‌مه‌د شیاع سوودانى سه‌رۆكوه‌زیرێن عیراقێ د دیداره‌كێدا دگه‌ل كه‌نالێ ئه‌لجه‌زیره‌ ل دۆر په‌ترۆلا هه‌رێما كوردستانێ راگه‌هاند، هه‌رێما كوردستانێ نه‌چارببوو به‌ره‌ڤ كۆمه‌كا هه‌ڤبه‌ستانڤه‌ بچیت كو جۆره‌كێ سه‌پاندنا مه‌رجان تێدایه‌ و هه‌تا ئاستێ یارى پێكرنێ چوویه‌ و هنده‌ك كۆمپانیان یارى ب هه‌رێما كوردستانێ كرن.
سه‌رۆكوه‌زیرێن عیراقێ گوت ژى: ل سالا 2014ێ كو شه‌رێ داعشێ هه‌بوو و ده‌مێ بودجه‌یا هه‌رێما كوردستانێ ژى هاتییه‌ راوه‌ستاندن، هه‌رێما كوردستانێ ژبه‌ر خه‌رجییێن شه‌رى و ئاواره‌بوونا ملیۆنان كه‌سان بۆ هه‌رێما كوردستانێ نه‌چاربوو به‌ره‌ڤ وان هه‌ڤبه‌ستانڤه‌ بچیت كو سته‌مه‌كا روون تێدایه‌، و سه‌ربارى هندێ هه‌رێم ل سه‌ر ب رێڤه‌برنا كاروبارێن خوه‌ یا به‌رده‌وام بوو.
سوودانى به‌حسا رێككه‌ڤتنا ل سه‌ر پشكا بودجه‌ی دكه‌ت و دبێژیت: ئه‌ڤ رێككه‌ڤتنا‌ ل سه‌ر قانوونا بودجه‌یى هاتییه‌ كرن، دشێت دووماهییێ ب ڤان ئاریشه‌یان بینیت و بودجه‌یه‌كا گشتگیر بیت بۆ هه‌موو عیراقییان، دهه‌مان ده‌مدا نوكه‌ ئه‌و خوه‌ بۆ ده‌ركه‌ڤتنا قانوونا په‌ترۆل و گازێ به‌رهه‌ڤ دكه‌ن.
سوودانى دووپاتییێ ل هندێ دكه‌ت، پشكه‌ك ژ رێككه‌ڤتنا قانوونى دناڤبه‌را لایه‌نێن پێكهێنه‌رێن حكومه‌تێدا، چاره‌سه‌ركرنا ئاریشه‌یێن هه‌لاویستى یێن دناڤبه‌را به‌غدا و هه‌ولێرێدایه‌ كو ئێك ژ وان بابه‌تێ په‌ترۆل و گازێیه‌ و دبێژیت: ئه‌و گه‌هشتنه‌ رێككه‌ڤتنێ و ئه‌و رێككه‌ڤتنه‌ ئێخستییه‌ دگه‌ل قانوونا بودجه‌ى، كو ئه‌وژى پشكه‌كه‌ ژ رێككه‌ڤتنا سه‌ره‌كى.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi