ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

فوئاد حسێن: 18 هزار پارچه‌یێن شوونه‌وارى كو هاتبوونه‌ دزین، مه‌‌ ڤه‌گه‌راندن

فوئاد حسێن: 18 هزار پارچه‌یێن شوونه‌وارى كو هاتبوونه‌ دزین، مه‌‌ ڤه‌گه‌راندن
خانى نيوز:

وه‌زیرێ ده‌رڤه‌ یێ عیراقێ ل شه‌شه‌مین كوربه‌ندێ شارستانییه‌تێن دێرین راگه‌هاند، عیراق شیایه‌ 18 پارچه‌یێن شنوونه‌وارى كو هاتبوونه‌ دزین، ڤه‌گه‌رینیت، و دبێژیت: جیهان دێ ژبه‌ر به‌رژه‌وه‌ندییێن جوودا رووبروو هه‌ڤركییه‌كا مه‌زن بیت.
ئه‌ڤرۆ ل به‌غدا شه‌شه‌مین كوربه‌ندێ شارستانییه‌تێن دێرین ده‌ستپێكر و فوئاد حسێن وه‌زیرێ ده‌رڤه‌ یێ عیراقێ راگه‌هاند، عیراق ب درێژاهییا سه‌رده‌مێن جوودا رووبروو پلانه‌كا دزینا شوونه‌وار و كه‌له‌پووران بوویه‌، جیهانێ قه‌باره‌یێ ئه‌وان تێكدان و بازرگانییان دیت یێن داعشێ كرین، له‌وما ئه‌وان بزاڤێن مه‌زن بۆ ڤه‌گه‌راندنا زێده‌تر ژ 18 هزار پارچه‌یێن شوونه‌وارى كو بۆ سه‌رده‌مێن جوودا ڤه‌دگه‌رن كرییه‌، و ئه‌ڤ چه‌نده‌ ب بزاڤ و هاریكارییێن دوستێن نێزیك یێن عیراقێ هاتییه‌ كرن.
وه‌زیرێ ده‌رڤه‌ یێ عیراقێ دیارژى كر، به‌هرا پتر یا شارستانییێن عیراقێ رووبروو گه‌فێن جوودا بووینه‌، تیرۆرێ ژى رۆل د تێكدانا سیمبۆلا شارستانییه‌تان هه‌بوو، لێ ئه‌و كریارێن تیرۆرستى نه‌شێن مێژوویا عیراقێ بشكێنن و ژناڤ ببه‌ن.
فوئاد حسێنێ داخواز ژ وه‌لاتێن جیهانێ كر هه‌ڤپشكییا وان د رووبرووبوونا ئه‌وان كاراندا بكه‌ن یێن دبنه‌ ئه‌گه‌رێن تێكدانا شارستانییه‌تان و گوت : هه‌ڤركییێن گوهورینا سه‌قایى پێدڤى ب هه‌ماهه‌نگییا زێده‌تره‌.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi