ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مه‌سرور بارزانى : هه‌موو پله‌ و پۆست ل ده‌ڤ من ئه‌رك و به‌رپرسیارینه‌

مه‌سرور بارزانى : هه‌موو پله‌ و پۆست ل ده‌ڤ من ئه‌رك و به‌رپرسیارینه‌
خانى نيوز:

ژ چارچووڤێ كونگره‌یێ 14ێ یێ پارتى دیموكراتى كوردستان، مه‌سرور بارزانى وه‌ك جێگرێ سه‌رۆك بارزانى هاته‌ هه‌لبژارتن، و د گوتاره‌كێدا راگه‌هاند، بۆ ئه‌وى جهێ شانازییێ یه‌ ئه‌ندامێ پارته‌كێ بیت كو جه‌نابێ بارزانییێ نه‌مر دامه‌زرێنه‌رێ وێ بیت، و سه‌رۆك بارزانى سه‌رۆكێ وێ بیت.
مه‌سرور بارزانى هه‌روه‌سا گوت : گه‌له‌ك سوپاسییا برایێ خوه‌ یێ به‌رێز كاك نێچیرڤان بارزانى دكه‌ت بۆ ئه‌ڤێ پێشنیازێ، ئه‌و خوه‌ قه‌ردارێ هه‌موویان دزانیت، هه‌روه‌كو جه‌نابێ سه‌رۆكى كه‌ره‌مكرى ئه‌و هه‌موو ژبه‌ر پارتییێ دمه‌زنن، و پێكڤه‌ دشێن بسه‌ركه‌ڤن.
ئاماژه‌ ب هندێ ژی دا، بۆ وى شه‌ره‌ف و شانازییه‌ ئه‌ندامێ پارته‌كێ بیت كو جه‌نابێ بارزانییێ نه‌مر دامه‌زرێنه‌رێ وێ بیت و جه‌نابێ سه‌رۆك بارزانى سه‌رۆكێ ئه‌ڤێ حزبێ بیت.
هه‌روه‌سا مه‌سرور بارزانى دیاركر، ئه‌و سوپاسییا باوه‌رییا ئه‌ندامێن به‌رێز و خوشتڤى دكه‌ت، ئه‌وى هه‌موو ده‌مان ئاخڤتنا جه‌نابێ بارزانییێ نه‌مر ده‌مێ كه‌ره‌مكرى، مرۆڤ دڤێت خزمه‌تكارێ گه‌لێ خوه‌ بیت، كرییه‌ رێنیشانده‌رێ ژیانا خوه‌، ئه‌و د چ ئه‌رك و پۆستاندابن، پێدڤییه‌ خزمه‌تكارێ گه‌لێ خوه‌ بن، هه‌ر پۆست و وه‌زیفه‌یه‌ك ل ده‌ڤ وى ئه‌رك و به‌رپرسیاره‌تییه‌.
مه‌سرور بارزانى دووپات ژى كر، ل هه‌ر جهه‌كێ بیت خوه‌ ب خزمه‌تكارێ گه‌لێ كوردستانێ دزانیت، سوزێ دده‌ت دگه‌ل برایێ خوه‌ یێ به‌رێز كاك نێچیرڤان بارزانى ل سایه‌یا جه‌نابێ سه‌رۆكى د خزمه‌تدابن، و ب هه‌موو ئه‌وان پره‌نسیپێن كو پارتى لسه‌ر هاتییه‌ دامه‌زراندن، پابه‌ندبن خوه‌ بۆ به‌خت بكه‌ن.
مه‌سرور بارزانى گوت ژى : سۆزێ دده‌ت هه‌روه‌كو هه‌وه‌ كه‌ره‌مكرى زوورییێ ل كه‌سێ نه‌كه‌ن و زورییێ ژ كه‌سێ ژى قه‌بوول نه‌كه‌ن، ئه‌وێ چه‌ندێ بكه‌نه‌ پێشینه‌یا كارێ خوه‌ و لسه‌ر دبه‌رده‌وامبن، ئه‌وا دشیاندابیت بۆ خزمه‌تا ئه‌وێ حزب و ئه‌وى گه‌لى بكه‌ن و كێم خه‌مییێ نه‌كه‌ن، خودێ هاریكار بیت بشێن ل وان سالێن ل پێشییا خوه‌ پتر خزمه‌تێ بكه‌ن، و بشێن ئه‌ڤێ پارتێ سه‌ربێخن، هه‌رده‌م ئه‌زموونا وه‌لاتى به‌ره‌ڤ قۆناغه‌كا گه‌شتر و پێشكه‌ڤتى تر ببه‌ن، جاره‌كا دى سوپاسی بۆ باوه‌رییا هه‌وه‌.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi