ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

جڤاتا دادوه‌رى يا هه‌رێمێ: دادگه‌ها فيدرالى يا ئيراقێ نه‌يا ده‌ستوورى يه‌

جڤاتا دادوه‌رى يا هه‌رێمێ: دادگه‌ها فيدرالى يا ئيراقێ نه‌يا ده‌ستوورى يه‌

گاڤ نيوز

فه‌رمانگه‌ها ميديا و زانيارى يا حكومه‌تا هه‌رێما كوردستانێ ئه‌ڤرۆ رۆژا شه‌مبيێ راگه‌هاند كو جڤاتا دادوه‌رى ل هه‌رێما كوردستانێ د به‌يانه‌كێ دا ل سه‌ر دوسيه‌يا په‌ترۆلێ ل هه‌رێما كوردستانێ راوه‌ستيايه‌ و دياركريه‌ كو بڕيارا دادگه‌ها فيدرالى ل دۆر ياسايا نه‌فت و غاز يا هه‌رێما كوردستانێ نه‌يا ده‌ستوورى بوو.

د به‌يانه‌كا جڤاتا دادوه‌رى دا هاتيه‌‌؛ ياسايا نه‌فت و غاز يا هه‌رێما كوردستانێ ژماره‌ 22 يا سالا 2007 نه‌يا هه‌ڤدژه‌ ل گه‌ل ئه‌حكامێن ده‌ستوورێ ئيراقێ چونكى ل گۆره‌ى ده‌ستوورى كارێن لێگه‌ڕيان، به‌رهه‌مئينان و هنارده‌كرنا په‌ترۆل و غازێ، نه‌ ژ ده‌ستهه‌لاتێن تايبه‌ت يێن ده‌ستهه‌لاتێن فيدرالى نه‌ ئه‌وێن كو د مادده‌يا 110ێ دا ژ ده‌ستوورى هاتينه‌ دياركرن.

تێدا هاتيه‌ ژى؛ مادده‌يا 122 ژ ده‌ستوورێ ئيراقێ دياركريه‌‌ كو حكومه‌تا فيدرالى ل گه‌ل حكومه‌تێن هه‌رێمان و پارێزگه‌هان ب كارێ رێڤه‌برنا په‌ترۆل و غازێ ئه‌وا ژ كێلگه‌هێن نوكه‌ دهێته‌ به‌رهه‌مئينان رادبن و پێدڤيه‌ ب دادپه‌روه‌رى داهاتێ وێ ل سه‌ر وه‌لاتيان بهێته‌ دابه‌شكرن ل گه‌ل ده‌ستنيشانكرنا به‌هرا هه‌رێمێن زيانڤێكه‌فتى ئه‌وێن ژ لايێ رژێما ئيراقێ يا به‌رێ ڤه‌ هاتينه‌ بێبه‌هركرن.

د به‌يانێ دا هاتيه‌ ژى؛ مادده‌يا 122 ’كێلگه‌هێن نوكه‌’ ب خۆڤه‌ دگريت و رامانا وێ ئه‌و كێلگه‌هن يێن كو ژ به‌رى ده‌نگدانا ل سه‌ر ده‌ستوورى ل سالا 2005ێ به‌رهه‌م هه‌ى، ئانكۆ پشتى ڤێ ديرۆكێ پرۆسێسا په‌ترۆل و غازێ گرێداى ده‌سته‌لاتێن تايبه‌ت يێن هه‌رێما كوردستانێ يه‌ و ياسايا نه‌فت و غاز يا هه‌رێما كوردستانێ ژماره‌ 22 يا سالا 2007 ل گه‌ل پێناسه‌يا ’كێلگه‌هێن نوكه‌’ يا گونجايه‌.

خۆيا ژى كريه‌؛ ل گۆره‌ى مادده‌يا 92/2 ژ ده‌ستوورى پێدڤيه‌ جڤاتا نوينه‌رێن ئيراقێ ياسايه‌كێ بۆ دامه‌زراندنا دادگه‌ها فيدرالى يا بلند بده‌رێخيت لێ ئه‌ڤ ياسايه‌ تا نوكه‌ نه‌هاتيه‌ ده‌رئێخستن له‌وا ل ئيراقێ چ دادگه‌هێن فيدرالى نينن كو ل گۆره‌ى ده‌ستوورى هاتبنه‌ پێكئينان.

زێده‌ ژى كريه‌: ژ به‌ر ڤێ چه‌ندێ ئه‌و دادگه‌ها ل 15ى شوباتا ئه‌ڤ ساله‌ بڕيار داى كو ياسايا نه‌فت و غاز يا هه‌رێما كوردستانێ ژماره‌ 22 يا سالا 2007 نه‌يا ده‌ستوورى يه،‌ وێ دادگه‌هێ چ ده‌ستهه‌لاتێن ده‌ستوورى نينن و ياسايا نه‌فت و غاز يا هه‌رێما كوردستانێ دێ كارپێكرى مينيت.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi