ئه‌مريكا: هه‌رێما كوردستانێ نموونه‌يه‌كا پێكڤه‌ژيانا ئاشتيانه‌يه
گاڤ نيوز
كۆنسۆلخانه‌يا گشتى يا ئه‌مريكا ل هه‌رێما كوردستانێ ئه‌ڤرۆ رۆژا پێنجشه‌مبيێ د سالڤه‌گه‌ڕا ئێكه‌مين هه‌لبژارتنێن په‌رله‌مانێ كوردستانێ دا ل سالا 1992 په‌يامه‌ك به‌لاڤكر و تێدا راگه‌هاند كو هه‌رێما كوردستانێ نموونه‌يه‌كا ئێكدو قه‌بويلكرنێ يه.
د په‌ياما كۆنسۆلخانه‌يا ئه‌مريكا دا هاتيه؛ هه‌رێما كوردستانێ د ده‌مێ 30 سالێن بوورى دا نموونه‌يه‌كا ئه‌رێنى يا گيانێ ئێكودو قه‌بويلكرنێ و پێكڤه‌ژيانا ئاشتيانه ل سه‌رانسه‌رى ده‌ڤه‌رێ بوو و ئه‌م پيرۆزباهيا خه‌لكێ هه‌رێما كوردستانێ ب هه‌لكه‌فتنا سالڤه‌گه‌ڕا 30ێ يا ئێكه‌م هه‌لبژارتنێن كوردستانێ دكه‌ين.
تێدا هاتيه ژى؛ شانازيێ ب هه‌ڤپشكيا گرنگ ل گه‌ل و حكومه‌تا هه‌رێما كوردستانێ و هه‌ماهه‌نگيا مه ل دۆر چاكسازيێن سياسى و ئابوورى يێن دبنه ئه‌گه‌رێ پێشخستنا ديمۆكراسيێ، مافێن مرۆڤى، گه‌شه‌پێدانا ئابوورى و سه‌روه‌ريا ياسايێ دكه‌ين.
ديار ژى كريه؛ ئه‌مريكا ب خۆشحاليڤه به‌رێ خۆ دده‌ته هه‌ماهه‌نگيا به‌رده‌وام كو دبيته ئه‌گه‌رێ بهێزكرنا ئاسايش، گه‌شه‌پێدان و خۆراگريا هه‌رێما كوردستانێ د چارچووڤه‌يێ ئيراقه‌كا فيدرالى دا.
د رۆژه‌كا وه‌كى ئه‌ڤرۆ دا ل رێكه‌فتى 19ى گولانێ ل سالا 1992 بۆ ئێكه‌م جار هه‌لبژارتنێن په‌رله‌مانێ كوردستانێ هاتنه برێڤه‌برن.
تُتاح هذه الصورة أيضا في: کوردی
