ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

جەمال كودی:سرودێت خەمگین

سرودێت خەمگین
جەمال كودی

 

ئەی دیرۆك،

ما جارەكێ‌
ژ زنجیرا مەرگەساتێت بێ‌ دوماهی
ڤەنەقەتیاین،
توو ب تۆماركرنا سرودێت مە یێت خەمگین ڤە نەوەستیای،
یان برسیبوون و نالینا زارۆكێت مە
ناڤەرۆكا كەڤناتیا تەیە!
كێ‌ دیتیە
هیڤیێت ساڤا
ب بومبێت مەزن
زوو بمرن،
خەونێت دایكان
ب مەها
ب سالا
ل هیڤیێ‌ ماین
دچركەكێ‌ دا
وەك دارەك خرش
بێن قڕاندن،
مانزانی
ڕۆژەكێ‌ ژ رۆژان
ڤان بشكۆژان
وەكی هەر مرۆڤەكێ‌ دی
ل سەر عەردێ‌
نەخشێ‌ مرۆڤایەتیێ‌
ب مزگینیا ژدایكبوونا خۆ
هەبوونا خۆ
تەمامكریە،
توو ژی جارەكێ‌ ژجاران
سالەكێ‌ ژ سالان
لاپەڕەكێ‌ تۆز گرتی
ژ هەزاران داستانان،
یێت خوین مژان
چەنگۆكرین
دگەل هێزا بایەكێ‌ ب وژدان
بفڕینە دادگەها مرۆڤایەتیێ‌
بلا گەردوون
ب مەزناهی و وەرارا خوە
بشكۆرین و جوانیا وان
ئاڤدەتە ڤە
دا ئەو ژی وەكە هەمووان
دباخچێت خوە دا بخەملن

 

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi