چ سالان سالڤەگەرا تەڤكوژیا 10هەزار وەلاتیێن خەتارێ نەهاتیە ساخكرن
تۆرا لالش یا راگەهاندنێ
ڤەكۆلەرەكێ مێژوویێ یێ ئێزدی دیاركر كو ل هەیڤا ئادارا سالا 1832ل گوندێ خەتارێ تەڤكوژی هاتە ئەنجامدان و تێدا 10هەزار وەلاتیێن خەتارێ هاتنە كوشتن و چ سالان سالڤەگەرا تەڤكوژیا ڤان وەلاتیان نەهاتیە ساخكرن و پێشنیاز دكن هەر چ نەبت هێمایەك ل گوندێ خەتارێ بێتە چێكرن دەربرینێ ژڤێ تەڤكوژیێ بكت.
ڤەكۆلەرێ مێژوویێ داود موراد خەتاری،بۆ رۆژنامەیا ئەڤرۆ ئاشكەراكر:كو میرێ كۆرە ل هەیڤا ئادارا سالا 1832هێرشی سەر دەڤەرا باشیك و بەحزانێ كر و ژمارەكا زۆر كوردێن ئێزدی ل گوندێ خەتارێ كوشتن،هینگێ خەتارێ زۆر یا مەزن بوو و گۆت:((ل ئێڤاریا رۆژەكا ئینیێ بوو،چنكو خەلكێ خەتارێ ئێڤاریێن رۆژێن ئینیێ لێك كۆم دبوون،هەموو پێكڤە هاتنە گرتن)).خەتاری ئەو ژی دیاركر،دەمێ هێرش سەر خەتارێ هاتیە كرن هەتا دەه هەزار وەلاتیان هاتنە كوشتن و هەموو دگۆرێن ب كۆم دا هاتنە ڤەشارتن و هەتا نۆكە ئەو گۆرێن ب كۆم ل خەتارێ هەنە و ژسالا 1832وەرە و هەتا نۆكە ئەو گۆر نەهاتینە ڤەكرن.
ڤەكۆلەرێ مێژوویی گۆتژی میرێ كۆرە دەرگەهێن خانیان گرتن و ل سەر بانی كونەك ڤەكر و دوێ كونێ را وەلاتی هاڤێتنە دخانی دا و هەتا خانی هاتیە پركرن ژ وەلاتیان هەموو ب دیكۆلێ خەندقاندن و هەر كەسەكێ ل جادەیان ژی دیتی كوشت و گەلەك زارۆك دگەل خۆ برنە دەڤەرا رەواندۆزێ،دیاركرژی ئەڤ تەڤكوژیا وەلاتیێن خەتارێ ل رۆژا 9/3/1832پشتی گەلەك لێگەریانێ مە شیا بەلگەنامان ب دەستخۆڤە بینین،لێ چ جاران سالڤەگەرا تەڤكوژیا وەلاتیێن گوندێ خەتارێ نەهاتیە ساخكرن.
داود موراد پێشنیاز كر هێمایەك ل گوندێ خەتارێ بێتە چێكرن دەربرینێ ژ تەڤكوژیا 10هەزار وەلاتیێن خەتارێ بكت هەموو ئەڤ ژمارا وەلاتیان دئێك رۆژ دا یێن هاتینە كوشتن.
تُتاح هذه الصورة أيضا في: کوردی