بنگەهێ لالش تايێ باعەدرێ 25 کرێکار خەلاتکرن
تۆرا لالش:
دکەش و هەوایەکی بالکێش دا و پێخەمەت ڕێزگرتن ل کەد و ماندووبوونا چینا کرێکاران، چینا ماندوونەناسان ،و ب هەلکەفتا هاتنا جەژنا کرێکارێن جیهانێ یاکو هەر سال دکەفتە 1ی مەها 5 ، بنگەهێ لالش تایێ باعەدرێ هاتنا جەژنا کرێکارێن جیهانی ساخکر.
دوهى ڕۆژا ئێکشەمبوویێ 30ى نيسانا2023،ب ئامادەبوونا کارگێرێن لقا(20) یا PDK ئازاد إسماعيل خرابي و هفال صالح نرمو و سەرۆکێ دەستەیا بلندا بنگەهێ لالش سه‌عيد جردۆ و شاندێ دگەل دا و سەرۆکا شارەوانیا باعەدرێ ناسیمە خەلیل و کرێکار و مێهڤانێن ئامادەبوویی،ڕێورەسمێن خەلاتکرنا 25 کرێکارێن شارەوانیێ و یێن کۆلانا گۆڕێن مریا ل هۆلا باعەدرێ یا بیرەوەریا ب ڕێڤەچوون.
ل دەستپێکێ خه‌لات باعەدری بەرپرسێ بنگەهێ لالش تایێ باعەدرێ بخێرهاتنا تەڤایا ئامادەبوویان کر و ل دووڤدا هەریەک ژ سەرۆکێ دەستەیا بلندا بنگەهێ لالش سه‌عید جردۆ)و کارگێڕێ لقا 20 یا PDK ئازاد ئيسماعيل ،چەندین پەیڤ و گۆتنێن ژ هەژی ڤێ چینا زەحمەت دیتی، چینا کرێکارێن ماندوونەناس کرن و سالڕۆژا وان پیرۆزکرن و ئەرک و ماندووبوونا وان بەرز و بلند نرخاند دخزمەتا دەڤەرێ و جوانراگرتنا سیماو و سروشت و ژینگەها ناوچێ.
دیسان ددرێژاهیا گۆتنێن خۆدا چەندین پرس و بابەتێن گرێدایی ڕەوشا دەڤەرێ و کوردستانێ وەکو سەنتەر و هەمبێزا ژیانا هەموو پێکهاتان ئینان زمان.
ل داویێ ژی تەڤایا کرێکاران ب دیاریێن بنگەهێ لالش تایێ باعەدرێ هاتنە خەلاتکرن و ژلایێ ئامادەبوویان ڤە هاتنە پارڤەکرن دکەش و هەوایەکی دلڤەکر و دلخۆشکەر و جوان دا ڕێورەسم ب داویی هاتن.
تُتاح هذه الصورة أيضا في: کوردی
