ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

جڤاتا رۆحانیا ئێزدیان: چ ئێزدیان هێرشى مزگه‌فتا ره‌حمان نه‌كریه‌

جڤاتا رۆحانیا ئێزدیان: چ ئێزدیان هێرشى مزگه‌فتا ره‌حمان نه‌كریه‌
گاڤ

جڤاتا رۆحانیا ئێزدیان رادگه‌هینینت، چ هێرش ل سه‌ر مزگه‌فتا ره‌حمان ل شنگالێ نه‌هاتینه‌ كرن و ئێزدى پشته‌ڤانێن پێكڤه‌ژیان و ته‌بایێ نه‌.

ئه‌ڤرۆ شه‌مبیێ 29-4-2023یێ جڤاتا رۆحانیا ئێزدیان ل مالا میرێ ئێزدیان ل شێخان كۆمبوو، پشتى كۆمبوونێ كه‌ریم سلێمان، شیره‌تكارێ جڤاتا رۆحانیا ئێزدیان د كۆنگره‌یه‌كێ رۆژنامه‌ڤانى دا راگه‌هاند، ئێزدیان چ هێرش ل شنگالێ نه‌كرینه‌ سه‌ر مزگه‌فتا ره‌حمان و دیاركر ژى لژنه‌یه‌كا سێ كه‌سى ژ ئالیێ میرێ ئێزدیان ڤه‌ هاتیه‌ پیكئینان و ژ نێزیك ڤه‌ چووینه‌ مزگه‌فتێ ببینن و دیاربوویه‌ هێرش ل سه‌ر مزگه‌فتێ نه‌هاتینه‌ كرن و نه‌هاتیه‌ سۆتن.

هه‌روه‌سا دوپاتكر، ئێزیێن كوردستانێ وه‌ك هه‌ر پێكهاته‌كا دى پشتڤانێن پێكڤه‌ژیان و براتى و ته‌بایێ نه‌ و هێرشكرنا ل سه‌ر مزگه‌فتان ره‌وشتێ تاكێ ئێزدى نینه‌.

كه‌ریم سلێمان سوپاسیا خوشك و برایێن موسلمان، كرستیان، كلدان و ئۆلێن دى كر كو پشته‌ڤانى و هاریكاریا مرۆڤى پێشكیشى ئێزدان كرى ل ده‌ما داعشێ هێرشى شنگالێ كرى.

هه‌روه‌سا دوپاتكر، موسلمانان ده‌رگه‌هێ مزگه‌فت و مالێنن خۆ بۆ ئێزدیان ل ده‌ما شه‌ڕێ شنگالێ ڤه‌كریه‌ و ئه‌و رۆژ چ جاران ژ بیرا ئێزدان ناچیت.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi