بنگەهێ لالش ڕۆنکرنەک ل دۆر هێرشکرنا سەر مزگەفتا شنگالێ بەلاڤکر
ئەڤ بوویەرێن نها ل شنگال دروست دبن ژ ئەنجامێ سیاسەتا شاش یا حکومەتا عیراقێ نە، و ب هەموو شێوەییەکی ژی ئەم نە ل گەل توندووتیژیێ نە.
خۆنیشاندان ب شێوەیەکی ئاشتی مافەکی ڕەواییە، و هەڤشکاندنا پیرۆزیێن ئۆل و ئاینان ب چ رەنگان کارەکی نەجوانە وبهەر رەنگەکی بێت ناهێتە قەبوول کرن ژ هەر ئالییەکی ڤەبیت، ئەڤە هەموو دستۆیێ حکومەتا عیراقێ دایە دڤیا کار ل سەر جێبەجێکرنا ڕێککەفتنا شنگالێ بکەت.
بەڵاڤکرنا پۆستێن بێ بنەما و دوویر ژ ڕاستیێ ژپێناڤ ب دەستڤەئینانا چەند ڵایکان، دبیتە ئەگەر کە ئاشتەواییا جڤاکی نەمینت، دڤێت جهێن بەرپرس چاڤدێریێ بکەن و وان کەس و پەیجان ڕووبڕووی یاسایێ بکەن.
ئەڤ قۆناغا ئەم تێدا دەربازدبین دڤێت ئەم هەموو ب گیانەکی بەرپرسیاریێ تەماشە بکەین، تیکچۆنا ڕەوشێ د قازانجا چ کەس و ئالیەکی دا نینە ژبلی دوژمنێ مە، ئەڤجا هیڤیدارین ئەم هەموو ب هوشیار و حەکیمانە مامەڵەیێ دگەل ڕەوشا نها بکەین، و پێکڤە ببینە هۆکارێن خیرێ و تفاق و ئاشتیێ کو هەردەم پەیام و فەرهەنگا ئێزدیان ئەو بوویە و فەرە ئەم پێکڤە دەستکەفتێن خۆ ب پارێزین.
بنگەهێ لالش یێ ڕەوشەنبیری و کۆمەڵایەتی
٢٨/٤/٢٠٢٣ـێ/دهۆک
تُتاح هذه الصورة أيضا في: کوردی
