بنگەهێ لالش و زانكۆیا مووسل دووپاتی ل خورتكرنا پەیوەندیان كر
تۆرا لالش/دهۆك
ب مەرەما خورتكرنا پەیوەندیان،ئیرۆ چارشەمبوویێ 5ی نیسانا 2023،شاندەكێ بنگەهێ لالش ب سەرپەرشتیا بەرێز “فارس كتی”بەرپرسێ بەشێ پەیوەندیان ل بنگەهێ لالش ودگەلدا ئەندامێن دەستەیا بلندا بنگەهێ لالش هەر ئێك ژ “ئەسعەد رەشید” و “جمعە عبدیكۆ” و “دیارین خودێدا”،سەرەدانا سەرۆكاتیا زانكۆیا مووسلێ كر.
شاندێ بنگەهێ لالش ژلایێ سەرۆكێ زانكۆیا مووسل بەرێز پرۆفیسۆر” د.قسی الاحمدی ” ڤە هاتە پێشوازیكرن.
دڤێ سەرەدانێ دا چەندین بابەتێن گرنگ كەفتنە بەر گفت و گۆیێ،ژ وان ژی خورتكرنا پەیوەندیێن هەردوو لایان،رەوشا قوتابیێن ئێزدی ل زانكۆیا مووسل،قۆناغێن ڤەكرنا چەند بەشێن زانكۆیێ ل دەڤەرا شنگالێ.
هەر دیسان وەشانێن نوو یێن بنگەهێ لالش پێشكێشی سەرۆكێ زانكۆیێ هاتن كرن،ژلایێ خۆڤە ژی سەرۆكێ زانكۆیێ سوپاسیا شاندێ ناڤبری و بنگەهێ لالش كر ژبەر پشتەڤانی یا وان یا بەردەوام دگەل قوتابیێن ئێزدی.
ل داویێ ژی پرۆفیسۆر د.قسی الاحمدی وەك ڕێزگرتن لۆگۆیەكی سوپاسی و ڕێزگرتنێ یێ زانكۆیێ پێشكێشی شاندێ بنگەهێ لالش كر.
تُتاح هذه الصورة أيضا في: کوردی
