ئازار 28, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

كێمبوونا ئاڤا رۆبارێ‌ دیجلەی كارتێكرن ل جۆتیارێن خانكێ‌ كریە

كێمبوونا ئاڤا رۆبارێ‌ دیجلەی كارتێكرن ل جۆتیارێن خانكێ‌ كریە
تۆرا لالش:
كێمبوونا ئاڤا ڕووبارێ‌ دیجلەی كارتێكرنەكا مەزن ل جۆتیارێن ناحیا خانكێ‌ ب تایبەتی ژی ل دەروبەرێن وێ‌ كریە،ئەڤە چەندین سالن هشكاتیە و باران كێم دبارت،‌داخوازێ‌ ل حكومەتا هەرێمێ‌ دكەن چارەسەریەكێ‌ بۆ ڤێ‌ چەندێ‌ ببینت یان دەرفەتێ‌ بدەنە جۆتیاران بیران بكۆلن،داكو داروبارێن وان هشك نەبن.
سەعەد بەرەكات،ئێك ژ جۆتیارێن ناحیا خانكێ‌ یە بۆ دەنگێ‌ لالش خویاكر،خەلكێ‌ دەوروبەرێن خانكێ‌ داروبارێن خۆ ئاڤ ددەن ب دانانا ماتۆر و غەتاسان بەلێ‌ ئاڤ ژی ڕۆژ بۆ ڕۆژێ‌ بەرەف كێمبوونێ‌ ڤە دچت، بێگۆمان ئەگەرێن وێ‌ كێمبوونێ‌ ژی زیانێن خۆ یێن هەین ژبەركو ئاڤ ژێدەرێ‌ داهاتێ‌ ڕۆژانە یێ‌ ژیانا ژمارەیەكا زێدە یا ماسیگرێن خەلكێ‌ خانكێ‌ و دەوروبەرایە،ئەڤجا ئەگەر كێمبوونا ئاڤێ‌ هۆسا یا بەردەوام بت یا پێتڤیە ‌حكومەتا هەرێمێ‌ چارەسەریەكێ‌ بۆ ڤێ‌ چەندێ‌ ببینت یان دەرفەتێ‌ بدەنە جۆتیاران بیران بكۆلن داكو داروبارێن وان هشك نەبن،جوانییا هەر گوند و باژێرەكی د سروشتێ‌ وێ‌ دا یا دیارە، ئەڤجا هەگەر ب چاڤەكێ‌ مەزن بەرێ‌ خو نەدەنە ڤی كاری دێ‌ كارەساتێن مەزن ل پشت خۆ ‌هێلت،چاندن و داروبار نامینن و ژین و ژیارا خەلكی دێ‌ ب زەحمەت كەڤت،د ڤان چەند سالێن بۆری و نۆكە دا خەلكی دەست ب خودانكرنا تەرش و كەوالی و چاندن و ماسیگرتنێ‌ ژ سالێن دی بتر كریە، ژبەركو هندی كارتێكرنەكا خراب ل سەر ژیانا خەلكێ‌ خانكێ‌ و گوندێن دەوروبەران بكەت و بتریا وان دێ‌ بێكار بن، چنكو ئاڤ ژێدەرێ‌ سەرەكی یێ‌ هەموو كارێ‌ وان یێ‌ ڕۆژانەیە.

ناڤهاتی ئەو چەندە ژی دیاركر،خەلكەكێ‌ زۆڕ ل وەرزێ‌ هاڤینێ‌ قەستا دیجلەی دكەن بۆ بێنڤەدان و خۆپاراستنێ‌ ژ پلەیێن گەرمێ‌ یێن دژوار كو ئێكجار د ڤێ‌ سالێ‌ دا دبلندبوون،بەلێ‌ ئەگەر چارەسەریەكێ‌ بۆ كێمبوونا ئاڤێ‌ نەبینن دێ‌ كارتێكرن ل سێكتەرێن سروشتی و گەشتیاری و جۆتكاری ل دەڤەرێ‌ بت.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi