ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

سه‌رۆكێ بنگه‌هێ لالش:به‌رهه‌ڤى بۆ گێڕانا كۆنفرانسێ لێبۆرينێ ل هه‌ولێرێ هاتينه‌ كرن

سه‌رۆكێ بنگه‌هێ لالش:به‌رهه‌ڤى بۆ گێڕانا كۆنفرانسێ لێبۆرينێ ل هه‌ولێرێ هاتينه‌ كرن
تۆرا لالش/دهۆك
سه‌رۆكێ ده‌سته‌يا بلندا بنگه‌هێ لالش يێ ره‌وشه‌نبيرى و كۆمه‌لايه‌تى ل دهۆكێ راگه‌هاند؛به‌رهه‌ڤى بۆ گێڕانا كۆنفرانسێ لێبۆرينێ ل هه‌ولێرێ هاتينه‌ كرن،زێده‌بارى كار بۆ به‌ستنا كۆنگره‌يه‌كێ نێڤ ده‌وله‌تى ل دۆر ئێزديان دئێته‌ كرن.

ده‌سته‌يا بلندا بنگه‌هێ لالش يێ ره‌وشه‌نبيرى و كۆمه‌لايه‌تى ل دهۆكێ،ئيرۆ ئێك شه‌مبوويێ 30/10/2022،كۆمبوونا خۆ يا ئاسايى ب سه‌رپه‌رشتيا “سه‌عيد جردۆ” سه‌رۆكێ بنگه‌هێ لالش و ئه‌ندامێن ده‌سته‌يا بلند ئه‌نجام دا و چه‌ندين ته‌وه‌ر و مژارێن گرێدايى ره‌وشا ئێزديان گه‌نگه‌شه‌كرن.

دكۆمبوونێ دا سه‌رۆكێ بنگه‌هێ لالش دياركر؛به‌رهه‌ڤى به‌رده‌وام يێ دئێنه‌ كرن بۆ گێڕانا كۆنفرانسێ لێبۆرينێ ل هه‌ولێرێ، ته‌كه‌زكر ژى كو وان به‌حس ل به‌ستنا كۆنگره‌يه‌كێ نێڤ ده‌وله‌تى ل دۆر ئێزديان كريه‌،زێده‌بارى دانانا پرۆگرامێ كارى بۆ نڤيسينا پشكا ئێكێ ژ ئينسكلوپيديا ئێزديان و يا تايبه‌ت ب نڤيسكارێن ئێزديان.

دته‌وه‌ره‌كێ دى يێ كۆمبوونێ دا ده‌ستپێشخه‌ريا ميرێ ئێزديان يا كو ڕێككه‌فتن ل سه‌ر هاتيه‌ كرن و ناڤه‌رۆكا وێ هاته‌ گه‌نگه‌شه‌كرن،هه‌روه‌سا دانوستاندن ل سه‌ر ره‌وشا راگه‌هاندنا بنگه‌هێ لالش هاته‌ كرن.

ژلايه‌كێ دى ڤه‌ گه‌نگه‌شه‌ ل سه‌ر چاوانيا ب ڕێڤه‌چوونا كارێ به‌شێن ده‌سته‌يا بلند و به‌رنامه‌يێ بزاڤ و چالاكيێن وان و پێشكێشكرنا راپۆرتا دارايى يا هه‌يڤا 10يا ئيساله‌ هاته‌ كرن.

هه‌ر د كۆمبوونێ دا بريار ل سه‌ر دانانا پرۆگرامه‌كى بۆ سه‌ره‌دانا تايى و نڤيسينگه‌هان هاته‌ دان،ب ئارمانجا پێشكێشكرنا پيرۆزباهيێ و گه‌نگه‌شه‌كرنا كار و پێشنيار و پێتڤيێن وان.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi