ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

قایمقامێ‌ شنگالێ‌:دۆسەیا گرتیێن ئێزدی هاتیە راگرتن و گرنگی ب گۆڕێن ب كۆم نائێتە دان

قایمقامێ‌ شنگالێ‌:دۆسەیا گرتیێن ئێزدی هاتیە راگرتن و گرنگی ب گۆڕێن ب كۆم نائێتە دان
تۆرا لالش:
قایمقامێ‌ شنگالێ‌ ئاشكەراكر كو هەتا نۆكە ئێك بەندێ‌ رێككەفتنا شنگالێ‌ ئەوا دناڤبەرا هەولێر و بەغدا دا هاتیە كرن نەهاتیە ب جهئینان،هەروەسا ئەڤ رێككەفتن نابتە چارەسەریا داویێ‌ یا كێشەیێن خەلكێ‌ شنگالێ‌ و ب تایبەت ئێزدیان،ژبەركو هێشتا دۆسەیا گرتیان راگرتی مایە و گۆڕێن ب كۆم وەكو پێتڤی گرنگی پێ‌ نائێتە دان.

نایف سەیدۆ،قایمقامێ‌ قەزا شنگال ب وەكالەت بۆ دەنگێ‌ لالش راگەهاند،پشتی شەرێ‌ دناڤبەرا سوپایێ‌ عێراقێ‌ و هێزێن یەبەشێ‌ سەر ب پەكەكێ‌ ل رۆژا 2/5/2022 ل ناحیا سنوونێ‌ روودای،بتر ژ 10 هەزار كەسان ئاوارەبوون و پشتی شەر سەكنی ئارامی ڤەگەریا دەڤەرێ‌ و هندەك خێزان زڤرینە سەر مالێن خۆ ڤە و یێن دی ڤیان ل كەمپان دا بمینن،نۆكە برتیا ئاواران دڤێن ل كەمپان دا بمینن ئەڤ یەك ژی دزڤرت بۆ نەبوونا ئارامیا رەوشا سیاسی و ئەمنی ل شنگالێ‌ ژبەر هەبوونا هێزێن جودا جودا و هەڤركیێن سیاسی،ئەم بناڤێ‌ خەلكێ‌ شنگال داخوازێ‌ ل حكومەتا ناڤەندی دكەین رەوشەكا گونجای دابین بكت ژبۆ ڤەگەریانا ئاواران و بێنە قەرەبووكرن و بادەكا ئێمناهیێ‌ بكەفتە د دەستێ‌ پۆلیسێن نافخۆیی دا و دەرگەهێ‌ دامەزراندنێ‌ ل سكتەرێ‌ پۆلیسان بۆ خەلكێ‌ شنگال بێتە ڤەكرن.
نایف سەیدۆ ئاشكەراكر ژی هەتا نۆكە ئێك بەندێ‌ رێككەفتنا شنگالێ‌ نەهاتیە ب جهئینان،لەوا داخوازێ‌ ل نەتەوەیێن ئێكگرتی دكەین فشارێ‌ بێخنە سەر حكومەتێ‌ بۆب جهئینانا ڤێ‌ رێككەفتنێ‌ كو دێ‌ دەرگەهی هەمبەر ڤەگەریانا ئاواران ڤەكەت،هەروەسا ئەڤ رێككەفتن نابتە چارەسەریا داویێ‌ یا كێشەیێن خەلكێ‌ شنگالێ‌ و ب تایبەت ئێزدیان،ژبەركو هێشتا دۆسەیا گرتیان راگرتی مایە و گۆڕێن ب كۆم وەكو پێتڤی گرنگی پێ‌ نائێتە دان.

گۆتژی ئەڤا ب سەرێ‌ ئێزدیان دا هاتی ب هەموو پیڤەرێن نێڤ دەولەتی جینۆسایدە و رێژەیا هەر زۆر یا خەلكێ‌ شنگالێ‌ خۆشحالیا خۆ دەربری یە هەمبەری ڤێ‌ رێككەفتنێ‌،كو ب دیتنا وان ئەگەر هاتە ب جهئینان و ڤەگەریانا سەر مال و حالێ‌ خۆ دێ‌ دەرگەهی هەمبەر پێنگاڤێن دیتر ڤەكەت كو دبەرژەوەندا شنگالیان دا بت.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi