ئازار 29, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ناسنامه‌یێن 41 قوربانیێن دی یێن جینۆسایدا شنگالێ‌ ئاشكرابوون

ناسنامه‌یێن 41 قوربانیێن دی یێن جینۆسایدا شنگالێ‌ ئاشكرابوون

ئه‌ڤرۆ نيوز:

ئێك ژ قوربانیێن جینۆسایدا شنگالێ‌ بۆ رۆژناما ئه‌ڤرۆ دیار كر، نوكه‌ ناسنامه‌یێن 41 قوربانیێن جینۆسایدا شنگالێ‌ یێن خه‌لكێ‌ گوندێ‌ كوچۆ ئاشكرابووینه‌.

ئلیاس سالح قاسم، ئێك ژ قوربانیێن خه‌لكێ‌ گوندێ‌ كوچۆ كو د ناڤ گۆڕێن ب كۆم دا ب برینداری رزگاربوویه‌ رگۆت: “ل رۆژا 15/8/2014ێ‌ پتر ژ 500 وه‌لاتیێن گوندێ‌ كوچۆ ل قه‌زا شنگالێ‌ ژلایێ‌ تیرۆرستێن داعش ڤه‌ هاتبوونه‌ گولله‌بارانكرن، هه‌موو ژی د ناڤ 15 گۆڕێن ب كۆم دا ل نێزیك گوندێ‌ كوچۆ هاتبوونه‌ ڤه‌شارتن، پشتی گۆڕێن كۆم هاتینه‌ ڤه‌كرن رۆفاتێن قوربانیان هاتینه‌ ده‌رئێخستن و بۆ نۆشداریا داد ل به‌غدا هاتبوونه‌ هنارتن، نوكه‌ ناسنامه‌یێن 41 قوربانیێن خه‌لكێ‌ گوندێ‌ كوچۆ ئاشكرابووینه‌”.

ئلیاس سالح قاسم گۆتژی: “د ده‌مه‌كێ‌ نێزیك دا ئه‌ڤ رۆفاتێن ناسنامه‌یێن وان ئاشكرابووین، راده‌ستی كه‌سوكارێن وان دێ‌ هێنه‌ كرن و ل گورستانا گوندێ‌ كوچۆ دێ‌ هێنه‌ ڤه‌شارتن”.

ناڤهاتی ئاشكرا ژی كر كو به‌ری نوكه‌ ژی ناسنامه‌یێن 104 رۆفاتان هاتبوونه‌ ئاشكراكرن و هه‌موو ل گوندێ‌ كوچۆ هاتبوونه‌ ڤه‌شارتن، ئه‌ڤ رۆفاتێن نوكه‌ ژی ناسنامه‌یێن وان ئاشكرابووین، هه‌موو خه‌لكێ‌ گوندێ‌ كوچۆ نه‌ و ل ساله‌ 2014ێ‌ ژلایێ‌ تیرۆرستێن داعش ڤه‌ هاتبوونه‌ كوشتن.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi