شێخ شامۆ:
ب ره‌زامه‌ندییا سه‌رۆكێ حكومه‌تا هه‌رێما كوردستانێ دەرگەهێ سه‌ره‌كی یێ په‌رستگه‌ها لالش دێ هێته دروستكرن
تۆرا لالش/دهۆك
شێورمەندی سەرۆکێ حکومەتا هەرێما کوردستانێ بۆ کاروبارێن ئێزدییان ڕاگەهاند، ب بریارا سەرۆکێ حکومەتا کوردستانێ مەسروور بارزانی بریارا خەرجکرنا پارێ دروستکرنا دەرگەهێ سەرەکییێ لالش دەرکر.
شێخ شامۆ شێخۆ، بۆ تۆرا ڕاگەهاندنا لالش خوییاکر، سەرۆکێ حکومەتێ مەسروور بارزانی ١٨٠ ملیۆن و ٧٩٠هەزار بۆ دەرگەهێ سەرەکیێ لالش تەرخانکر.
شێورمەندێ سەرۆکێ حکومەتێ ڕاگەهاند ژی :« پشتی دیزاینێ دەرگەهێ سەرەکیێ پەرستگەها لالش ژ ئالیێ لیژنا ئەندازیاریێن سەرپەرشتیار یا نووژەنکرن و ئاڤەدانکرنا لالشێ هاتییە پەسەندکرن، و مه عه‌رزی جه‌نابێ سه‌رۆك وه‌زیران كری بریارا ئه‌نجامدانا ڤی پرۆژه‌یی هاتە دان و ل نێزیك دێ كه‌ڤیته وارێ جێبه‌جێكرنێ دا . سه‌رپه‌رشتیا كارگێریا پارێزگه‌ها دهۆكێ.
هەڤدەم، ئەندامەکی لیژنا ئەندازیاریێن سەرپەرشتیار یێن نووژەنکرن و ئاڤەدانکرنا پەرستگەها لالش «خالد نەرمۆ» دیارکرژی، قۆناغێن ئاڤەدانکرنا پەرستگەها لالش دبەردەوامن ژ ئالیێ خێرخوازێن ئێزدی و حکومەتا هەرێمێ و حکومەتا ئەمریکا ڤە.
ناڤهاتی بۆ تۆرا راگەهاندنا لالش دیارکر، دیزاینێ دەرگەهێ سەرەکیێ ئاڤەدانکرنا لالش هاتبوو دروستکرن وب رێكا راوێژكارێ سه‌رۆكوه‌زیران بۆ كاروبارێ ئێزدییان هاتبوو ڕەوانەکرن بۆ سه‌رۆكاتییا ئه‌نجومه‌نێ وه‌زیران و ئیرۆ سەرۆکێ حکومەتێ بریاردا پارە بهێتە خەرجکرن بۆ ڤی جهێ پیرۆز.
بەریا نها ژی سەرۆکێ حکومەتا هەرێما کوردستانێ چەندین پرۆژە ل پەرستگەها پیرۆزا لالش ئەنجامداینە ژوانا ژی دروستکرنا ڕێکا سەرەکی یا دچیتە د هوندری لالشێ دا و دروستکرنا جهەکی بۆ گڤاشتنا زەیتوونان.
تُتاح هذه الصورة أيضا في: کوردی
