خێزانێن داعش گرتيێن ئێزدی ل كه‌مپان ڤەدشێرن
باسنيوز:
بەرپرسێ نڤیسینگەها رزگاركرنا رەڤاندیێن ئێزدی ل دهۆكێ دیاركركو خێزانێن داعش كچێن ئێزدی ناڤ خوە دا ڤەدشێرن. هەتا نۆكە پتر ژ دوو هزار 800 كچ وژن و زارۆكێن ئێزدی بن دەستێن تیرۆرستێن داعش دا ماینە.
حسێن كۆرو قائێدی، بەرپرسێ نڤیسینگەها رزگاركرنا رەڤاندیێن ئێزدی ل دهۆكێ بۆ (باسنیوز) دیار كر كو: ” دناڤ كەمپاندا ل عێراق و سوریا كچ وژن و زارۆكێن رەڤاندیێن ئێزدی هەنە. ئەم هەولێن بەردەوامداینە بۆ رزگاركرنا هەموو رەڤاندیێن ئێزدی لێ خێزانێن داعش رەڤاندیێن ئێزدی ناڤ خوە دا ڤەدشێرن وئاشكرا ناكەن لەورا پێدڤیە هێزێن ئەمنی رژدتر بن ڤێ بابەتێ دا، ب تایبەتی ل كەمپا هۆلێ وكەمپێن مووسلدا هەروەسا وان دەڤەرێن سالا 2014ێ دا كەڤتینە بن دەستێ تیرۆرستێن داعشدا، كاربكەن بۆ ئاشكراكرنا رەڤاندیێن ئێزدی”.
ئاشكەرا كركو پێدڤیە خێزانێن داعش ژ جهەكێ بۆ جهەكێ دی دهێنە ڤەگوهاستن سەروچاڤێن وان بهێنە ڤەكرن. ئەو نقاب سەرۆچاڤێن وان بهێتە راكرن ب تێر و تەسەلێ ڤەكۆلین دگەل هەموویان بهێتە كرن بۆ هندێ رەڤاندیێن ئێزدی ئاشكرا ببن”.
خۆیا ژی كركو ل جینۆسایدا شنگال 6 ھزار و417 كچ وژن و زارۆكێن ئێزدیان هاتبوونە رەڤاندن. هەتا نۆكە مە شیایە پتر ژ سێ هزار و 550 كەسان ژ هەردوو رەگەزان بن دەستێن تیرۆرستێن داعش رزگاربكەن و هێشتا چارەنڤیسێ پتر ژ دوو هزار و 800 رەڤاندیان ژی دیار نینە”.
تُتاح هذه الصورة أيضا في: کوردی
