نێچیرڤان بارزانی : 100 ساله به‌غدا نه‌ڤێت ئاریشه‌یێن كوردان چاره‌سه‌ر بكه‌ت
خانى نيوز:
نێچیرڤان بارزانی سەرۆکی هەرێمی کوردستان ئه‌ڤرۆ د كۆنفرانسه‌كێ رۆژنامه‌ڤانیدا ئاماژه ب وان ئاریشه‌و روودانێن عیراقێ كر، یێن بووینه ئه‌گه‌رێ تێكچوونا ئاسایش و ئارامیا عیراقێ.
سه‌رۆكێ هه‌رێما كوردستانێ راگه‌هاند: ده‌مێ سه‌د سالایه كورد ل هیڤیا مافێن خۆیه ل عیراقێ داكو ئاریشین وان بهێنه چاره‌سه‌ركرن، لده‌ستپێكا دامه‌زراندنا عیراقێ بێى به‌رچاف وه‌رگرتنا مافێن كوردان هاتیه دامه‌زراندن.
نێچیرڤان بارزانى گوتژى، کورد کۆد و کلیلا چارەسەریانه ل هه‌موو عیراقێ، عیراق وه‌لاته‌كه ژ هه‌موو نه‌ته‌وان پێكدهێت، ل عیراقێ ئاریشێن ده‌ستهه‌لاتێ هه‌نه، ئه‌ڤه نه ئاریشا سه‌ره‌كیه به‌لكوو ل عیراقێ سیاسه‌تا خۆسه‌پاندن و هێزێ بكاردئینن بۆ چاره‌سه‌ركرنا ئاریشان.
نێچیرڤان بارزانی گوتارا خۆدا داخۆاز ژ هه‌موو پێكهاتێن نه‌ته‌وه‌یى و ئایینى و مه‌زهه‌بى ل عیراقێ دكه‌ت ژ بۆ هندێ ده‌ستهه‌لات ب هه‌فپشكى بهێته برێڤه‌برن، و دبێژیت نابیت هێزه‌ك ب تنێ حووكمى ل عیراقێ بكه‌ت، به‌لكۆ پێتڤیه هه‌موو هێز و پێكهاته به‌شداربن د رێڤه‌برنا ده‌ستهه‌لاتێدا.
سەرۆکێ هەرێما کوردستان دیاركر ژى، ئەرکێ سەرەکی یێ هه‌موو پێكهاتێن عیراقێ برییتیه ژ بجهئینانا ده‌ستورى و فیدرالیه‌تێ، ئه‌گه‌ر ئه‌وژى هاتنه بجهئینان هه‌رێما كوردستانێ ئاماده‌یه ل هه‌مبه‌رى وه‌رگرتنا مافێن خوه لدوڤ ده‌ستوورى ئه‌ركێن خوژى بجهبینیت.
تُتاح هذه الصورة أيضا في: کوردی
