فەرمانا(٧٤) و خۆراگریا ئێزدیا و مانا ئێزدیخانێ خالەكا رەشە دچاڤێن دوژمنان دا
مەهدی حەسەن
ل (٢٠١٤/٨/٣) تیرۆرستێن بناڤێ داعش بەرێ خۆدانا شنگالا دەلال و ب رەنگەكێ هۆڤانە كوشتن و كوشتار دناڤا خەلكێ شنگالێ دا ئەنجام دان،ب هاریكاری و پشتەڤانیا ئەرەبێن بی ئەسل و فەسل بەختی برایەتی و كریڤانیا خوونێ و بیرو باوەرێن هندە سالا پێكڤە دبن لنگێن خۆ كرن و كەتن تالان و وێرانكرنا مال و سامانێن ئێزدیا دگەل چەكدارێن دەولەتا ئیسلامی و داعشێن پێخواس ژ بیابانا ئەرربی و جزیری و ئەفغانستان هاتین كچ و ژنێن ئێزدیا دیاری دانە دەستێ وان و ب هەزارا ل بازار و قەیسەریا فرۆتن وسڤكاتی ب ئێزدیاتیێ كرن.
ب راستی رۆژەكا رەشە دژیانا مەدا ،مە گوه لێ ببوو ژ باب و باپیرێن خۆ بەلێ مە نە دیت بوو و مە باوەرنە دكر مرۆڤێن وەسا خراب هەنە وكەسانەك هەیا بناڤی اللە و اكبر سەرێ مە جارەك دی ببرت،بەلێ شوكر بۆ خودێ تەعالا ئەڤێ جارێ هەر زوو دەولەتا وان بسەرێ وان دا هاتە روخاندن و شكەستن چاڤێ هەر كەسەكی دا شەرمەزار بوون ل جیهانێ هەموویێ و یا هاتیە سەرێ ئەرەبا و داعش دلخۆشیەكا بۆ مە ،ئەڤ دەولەتا ئیسلامیا داعش بڤی رەنگی شكەست و ریسوا و شەرمەزار بوو، خودێ تەعالا هەموو جانگۆریێن شەرێ داعش و تایبەت یێن شنگالێ ب رەحمینت وجیێ وان بەهشت بت،خودێ تەعالا شیفایەتێ بدەت هەر بریندارەكی و چاڤێ هەر زارۆكەكێ بێ دەیك و باب ماچ دكەم دەستێ دای و بابێن دلشەوتی ماچ دكەم خودێ دگەل هەر خێزانەكا قوربانی دای دا بت.
هیڤیدارم ژ خودێ تەعالا هەر كچ و ژنەك ژ دەستێ كافرا رزگاربت وجیێ ڤان داعش وكافرا دۆزەخ بت،جارەك دی كەسەك هزر نەكت ئێزدی دێ ئێنە ژناڤبرن،رۆژا فەرمان و كۆمكوژیا مرۆڤان و ژناڤبرنا مللەتا نەمایە.
تُتاح هذه الصورة أيضا في: کوردی