ده‌نیز ئونداڤ-ێ هێرشبه‌رێ نێڤده‌وڵه‌تی و پیشه‌گه‌رێ كورد، ل ڕۆژا شه‌مبوویێ 22ـى چریا دووێ 2025، ب تۆماركرنا سێ گۆلان (هاترێك) ل یانه‌یا بۆڕووسیا دۆرتمۆرد، یاریگه‌ها سیگنال ئیدونا پاركی هه‌ژاند.
یانه‌یا شتوتگارد یا ئه‌لمانی ب پشكدارييا سه‌ره‌كی يا ده‌نیز ئونداڤێ هێرشبه‌رێ پێشكه‌فتی یێ كورد د یاریێن هه‌فتیا 11ێ یا خۆلا پلا ئێك یا ته‌پاپێ یا ئه‌ڵمانی (بۆندس لیگا) و ل یاریگه‌ها ئیدونا پارك ل باژێرێ دۆرتوند، بوو مێهڤانێ یانه‌یا بۆڕووسیا دۆرتموند كو خودانا پلا سێیێ رێزبه‌ندا قه‌هره‌مانیێ یه، یاریه‌كا ب هێز و پر ژ گۆلان هه‌ردوو ئالیان ب ئه‌نجامێ 3 – 3 یه‌كسانبوون.
ل ده‌ستپێكی یانه‌یا بۆرووسیا دۆرتموند 2 گۆل د نیڤا ئێكێ دا تۆماركرن و د نیڤا دووێ دا یانه‌یا شتوتگارد ب هێز ڤه‌گه‌ریا یاریێ و ده‌نیز ئۆنداڤی هێرشبه‌رێ كورد 2 گۆل ل چركه‌یێن 47 و 71ێ دا تۆماركرن و ب ڤی شێوه‌ی ب به‌رهه‌ڤبوونا 81 هه‌زار و 365 پشته‌ڤانێن هه‌ردوو ئالیان یاری وه‌كهه‌ڤبوو و یاریگه‌ها سیگنال ئیدونا پارك جه‌ماوه‌ری د هه‌ژاند و ب تایبه‌ت جه‌ماوه‌رێ زه‌ر پۆش دهاته بێده‌نگكرن.
یاری به‌ره‌ف داویێ ڤه دچوو، یانه‌یا بۆڕووسیا دۆرتمۆند د خۆله‌كا 89 دا گۆلا سێیێ تۆماركر و به‌لێ جاره‌كا دی ده‌نیز ئونداڤێ هێرشبه‌رێ خودان شیانێ كورد بوویه فریادره‌سێ یانه‌یا شتوتگارد و د ده‌مێ زێده‌كریێ یاریێ دا گۆلا وه‌كهه‌ڤبوونێ بۆ تیما خۆ تۆماركر و بوو خودانێ سێ گۆلێن هاترێكێ.
تُتاح هذه الصورة أيضا في: کوردی
