ناڤه‌ندا نووچه‌یان – سه‌ما
ل ڕۆژا 13ـی چريا دووێ 2015، پشتى ساڵه‌كێ ژ داگیركرنا قه‌زا شنگالێ و ده‌وروبه‌ران ب ده‌ستێ تیرۆرستێن داعشێ، ب سه‌رپه‌رشتیا راسته‌وخۆیا سه‌رۆك بارزانی و ب بپشكدارييا 7500 پێشمه‌رگه‌يێن قه‌هره‌مان و پشتى دوو ڕۆژان ژ ده‌ستپێكرنا ئۆپه‌ڕاسیۆنا ڕزگاركرنا شنگالێ، سه‌رۆك بارزانی د كۆنگره‌یه‌كێ رۆژنامه‌ڤانی دا مزگينيا ڕزگاركرنا شنگالێ ڕاگه‌هاند.
پشتى ڕزگاركرنا قه‌زايێ، میر ته‌حسین به‌گ، میرێ ئێزدیان ل كوردستان، عێراق و جیهانێ د به‌یاننامه‌یه‌كێ دا ئۆپه‌ڕاسیۆنا هێزێن پێشمه‌رگه‌ی ب سه‌رپه‌رشتیا ڕاسته‌وخۆیا سه‌رۆك بارزانی ب ڕۆژه‌كا ديرۆكێ ناساند و ڕاگه‌هاند: ڕزگاركرنا شنگالێ خۆشی و شاهى خسته ناڤ دڵێ ته‌ڤاهيا ئێزیان و كوردستانیان و مرۆڤایه‌تيێ.
ل 3ى ته‌باخا 2014، تيرۆرستێن داعشێ ب شێوه‌يه‌كى درندانه هێرشى قه‌زا شنگالێ و ده‌وربه‌ران كر و ل ڕۆژێن ده‌ستپێكى هزار و 192 وه‌ڵاتيێن بێ گونه‌هـ كوشتن و 6 هزار و 417 كچ و ژن و زارۆك و زه‌لام ڕه‌ڤاندن و ب هزاران خه‌ڵكێ بۆ قورتاڵكرنا گيانێ خۆ ئاواره‌ى ده‌ڤه‌رێن ئارام يێن هه‌رێما كوردستانێ بوون، زێده‌بارى تالان و وێرانكرنا ژێرخانه‌يا وى باژێرى.
تُتاح هذه الصورة أيضا في: کوردی
