ميرێ ئێزديان پێشوازى ل شانده‌كێ ڕێكخراوا(MGBH) يا مرۆڤى يا كه‌نه‌دى كر و ڕه‌وشا ئاواره‌يێن ئێزدى ل كه‌مپان به‌حسكرن.
راگه‌هاندنا نڤيسينگه‌ها جڤاتا ڕۆحانى يا بڵند يا ئێزديان ڕاگه‌هاند: ئيڕۆ چارشه‌مبوويێ 12-11-2025، مير حازم ته‌حسين به‌گ، ميرێ ئێزديان ل كوردستان، عێراقێ و جيهانێ پێشوازى ل شانده‌كێ پێكهاتى يێ ڕێكخراوا(MGBH) يا مرۆڤى يا كه‌نه‌دى كر.
پشتى پێشوازيێ، ميرێ ئێزديان ئاماژه دا ڕۆلێ ڕێكخراوێن مرۆڤى يێن هاريكاريا ئێزديان كرى ل ده‌مێ هێرشا داعش ل 3ى ته‌باخا 2014بۆ سه‌ر شنگالێ و ده‌ڤه‌رێن دى يێن ئێزديان.
هه‌روه‌سا ميرى دياركر، هێشتا ئاواره‌يێن ئێزدى د ڕه‌وشه‌كا ب زه‌حمه‌ت دا ل كه‌مپێن سنوورێ پارێزگه‌ها دهۆكێ دژين و گۆت: هيڤيدارين پشته‌ڤانييا ڕێكخراوان بۆ ئاواران ل كه‌مپان و يێن ڤه‌گه‌ڕياينه ده‌ڤه‌رێن خۆ به‌رده‌وام بت.
ئه‌ڤه د ده‌مه‌كى دايه، هێشتا نێزيكى 35هزار خێزانێن ئێزدى ل گۆڕه‌ى ئامارا ڕێڤه‌به‌ريا كۆچ و كۆچبه‌ران ل دهۆكێ ل كه‌مپان و ژ ده‌رڤه‌ى كه‌مپان دژين.
تُتاح هذه الصورة أيضا في: کوردی
