تۆرا لالش
ب پشتەڤانیا د.ڤیان دەخیل، بنگەهێ لالش تایێ شاریا ب هەڤکاری دگەل ناڤەندا ئافرەتێن سێمێلێ، خۆلەکا دروارێ بۆ پتر ژ (50) کچ و ژنێن ئاوارەیێن ل کۆمەلگەها شاریا ئاکنجی هاتە برێڤەبرن.
ژ بۆ پتر گرنگی دان ب وان کچ و ژنێن بێکار و حەزا فێربوونا دروارێ هەی، ژبۆ هندێ پتر ل سەر خۆ کار بکەن، هەروەسا دا بێ کار نەمینن و دەروونێ وان یێ ئارام بت و ب کارەکیڤە خۆ مژۆل بکەن، خۆلێن وەسا بۆ هەموو کچ و ژنێن دەڤەرێ د گرنگن.
هەژی یە بێژن کو ئەڤ خۆلە بۆ ماوەیێ دەهـ رۆژان یە بەردەوام بوو و ئەو کج و ژن تا رادەیەکی باش فێربوون و ل دووماهیا خۆلێ ژی باوەرنامە ب سەر بەشداربوویان دا هاتنە دابەشکرن.
ئەڤ خولێن پیشەیی دێ کاریگەرییەکا ڕاستەوخۆ ل ژیانا بەشداربوویان کەن و د ئاییندەدا دێ کارن پشت ب خۆ ببەستن و کارێ خۆ یێ تایبەت هەبت و ژیانا خۆ پێ دەرباز بن.
بنگەهێ لالش تایێ شاریا هەردەم خۆ ب پشتەڤانێ کچ و ژنێن ئێزدیان دبینت و یا دشیاندا بت دێ ئەنجام دەت.
تُتاح هذه الصورة أيضا في: کوردی
