تۆرا لالش
ل ئێڤاريا ڕۆژا ئیرۆ پێنج شه‌مبوويێ 4ى ئه‌یلولا 2025، بنگه‌هێ لالش ل دهۆكێ دانوستاندنه‌كا ڤه‌كرى بۆ نڤيسه‌ر و هۆزانڤان و سیاسه‌تمه‌دار “د.مویه‌د ته‌یب” ل دۆر ره‌وشا ئێزدیان به‌ره‌ڤ كوڤه ڕێكخست.
وه‌ك ڕێزگرتن ل سه‌ر گيانێ پاكێ جانگۆريێن كوردستانێ سه‌روه‌رێ وان بارزانيێ نه‌مر و كاك ئه‌دريسێ جوانه مه‌رگ ئاماده‌بوويى خۆله‌كه‌كێ سه‌كنين.
ل دووڤدا ب ئاماده‌بوونا كۆمه‌كا بژاره ژ ئه‌كاديمى، كه‌سايه‌تى، مامۆستا و ڕه‌وشه‌نبيرێن ئێزديان، دانوستاندنا ڤه‌كرى ده‌ستپێكر.
ل به‌راهيێ نڤيسه‌رى ب كورتی ب به‌حسێ ده‌رده‌سه‌ریێن ب سه‌رێ ئێزدیان دا هاتی كر.
دلايه‌كێ دى دا، نڤيسه‌ر د. مویه‌د ته‌یب دادیاركرن: ئێزدی ئۆله‌كا كه‌ڤنارن پێتڤییه ناسناما وان بهێـته پاراستن و من تێكلی دگه‌ل هه‌ر ئێزدیه‌كی كربت خودان ره‌وشته‌كی پاقژ بوویه.
گۆتژى: ب راستی هه‌تاكو مرۆڤ دیرۆكا ئێزدیان نه‌خونت نزانت كا چ زولم و سته‌م ب سه‌رێ ئێزدیان دا هاتیه، مالا بارزان رێزه‌كا تایبه‌ت ل پێكڤه‌ژیانێ دگرن و دناڤدا ئێزدیان.
پاشان دانوستاندنەکا ب تێر و تەسەڵ و گەنگەشەکا پر ب مفا دناڤبەرا ئامادەبوویان دا پەیدابوو، بەرسڤا تێبینی و پرسیاران ژلایێ نڤيسه‌رى ڤه هاتنە دان.
په‌رتووكا ميترا ب زمانێ عه‌ره‌بى هاتيه وه‌شاندن و نوكه كه‌فتيه به‌رده‌ستێ خوانده‌ڤانان.
ل هه‌موو ڕۆژێن پێنج شه‌مبا ل بنگه‌هێ لالش ل دهۆكێ، دانوستاندنه‌كا ڤه‌كرى ل دۆر مژارێن جودا جودا ده‌رباره‌ى ڕه‌وشا ئێزديان بۆ ڕه‌وشه‌نبيران دئێته ڕێكخستن.
تُتاح هذه الصورة أيضا في: کوردی
