تۆرا لالش
ل رێكه‌فتی 16-7- 2025 ب ئامادەبوونا زه‌رده‌شت شێخ شامۆ رێڤەبەرێ ناحیا خانکێ و نوونەرێ لژنا ناوچا دوبان یاPdk ئازاد عمر و نوونەرێن دام و دەزگەهێن حکومی و حزبی و ماموستا و رەوشەنبیرێن سنورێ ناحیا خانکێ یادا 20 سالیا دامەزراندنا بنگەهێ لالش تایێ خانکێ هاتە بیرئینان.
ل ده‌ستپێكێ ئاماده‌بووی خۆله‌كه‌كێ بۆ گیانێ پاكێ شه‌هیدان و سه‌روه‌رێ وان بارزانیێ نه‌مر و كاك ئه‌دریسێ هه‌رده‌م ساخ سه‌كنین.
دووڤدا تایێ خانكێ رابوو ب خەلاتکرنا چەند ماموستایێن ل سنورێ ناحیا خانکێ هاتینە خانەشینکرن وەک رێزگرتن بۆ کەد و خزمەتا وان ل دەستپێکێ سەرۆکێ بنگەهی لالش خانكێ عەنتەر کەلۆ چەندەک بەحسکرن ل سەر کار و خزمەتا بنگەهێ ژ لایێ جڤاکی و رەوشەنبیری و ئاینی ڤە و پشتەڤانیکرنا هەموو تەخ و چینا بێ فەرق و جوداهی و سوپاسیا سەروکێ حکومەتا هەرێما کوردستانێ کر بۆ وێ پشتەڤانیا وی یا بەردەوام بۆ بنگەهی هەروەسا سوپاسیا هەموو دام و دەزگه‌هێن حکومی و حزبی کر کو هەردەم د هەڤکاربوون د گەل تایێ خانكێ.
پاشی رێزدار زەردەشت شێخ شامۆ رێڤه‌به‌رێ ناحیا خانكێ پەیڤەک پێشکێشکر و پیروزباهی ل دەستەیا رێڤەبەر یا بنگەهی کر و کار و بزاڤ و چالاکیێن بنگەهی بەرز و بلند نرخاندن ل دوماهیێ خەلات ل سەر ماموستا و فەرمانبەرێن خانەشینکری هاتنە دابەشکرن.
تُتاح هذه الصورة أيضا في: کوردی
