بالێۆزخانا ئه‌مریكا ل به‌غدا
تۆرا لالش
ل دۆر هێرشێن ب درۆنان د دوو رۆژێن بۆری دا ل سه‌ر كێلگه‌هێن په‌ترۆلێ یێن هه‌رێما كوردستانێ هاتینه كرن، بالێۆزخانا ئه‌مریكا ل عیراقێ ڕاگه‌هاندنه‌ك به‌لاڤكر و دیاركر قه‌بوول ناكه‌ین.
د رۆژانێن بۆری دا ب درۆنێن بۆمبرێژكری جودا جودا هێرشی هه‌ر دوو كێلگه‌هێن نه‌فتی یێن خۆرمه‌له و سه‌رسنگێ هاتنه كرن، له‌وران کۆمپانیا HKN ENERGY یا ئەمریکی کارێن خۆ ل وان كێلگه‌هان سه‌كناندن.
ئیرۆ سێ شه‌مبوویێ بالێۆزخانا ئه‌مریكا ل عیراقێ ڕاگه‌هاند: ئەمریکا ئەڤان هێرشان شەرمەزار دكه‌ت ژوانژی یێن ڕۆژانێن 14 و 15ـی ڤێ هه‌یڤێ ل سه‌ر كێلگه‌هێن خۆرمه‌له و سه‌رسنگ ل هه‌رێما كوردستانێ، پێتڤیه حكومه‌تا عیراقێ ده‌ستهه‌لاتا خۆ ب كاربینت و رێگریێ ل هێرشان بكه‌ت ل سه‌ر كۆمپانیان و بیانیان و هه‌ر جهه‌كێ وه‌به‌رهێنان تێدا دهێته كرن.
د پشكه‌كا دیتر یا به‌یاننامێ دا هاتیه: ئه‌ڤ هێرشنه جهێ قه‌بوولكرنێ نینن و سه‌روه‌ریا عیراقێ تێكدده‌ن و زیان ب پێنگاڤێن ڕاكێشانا وه‌به‌رهێنانا بیانی دگه‌هن، داخوازێ ژ حكومه‌تا عیراقێ دكه‌ین ڤه‌كولینێ ل سه‌ر هێرشان بكه‌ت و بكه‌ر رووبرووی ڤه‌كۆلینێ بهێنه كرن.
هه‌روه‌سان کونسوڵخانا ئەمریکا لە هەولێرێ ژی ڕاگه‌هاند: ئەمریکا ئیدانه‌یا هێرشێن شه‌ڤێن بۆری ل سه‌ر كێلگه‌هێن نه‌فتێ ل هه‌رێما كوردستانێ دكه‌ت و قه‌بوول ناكه‌ین.
تُتاح هذه الصورة أيضا في: کوردی
