مەسرور بارزانی، سەرۆکێ حکومەتا هەرێما کوردستانێ د پەیامەکێ دا پیرۆزباهییێ ل هەر دوو یانەیێن تەپاپێ یێن دهۆک و زاخۆ دکەت، ب هەڵکەفتا گەهشتنا هەروو یانەیان بۆ یاریا داویێ یا جاما عێراقێ.

سەرۆکێ حکومەتێ ل تۆڕا کۆمەڵایەتی یا ئێکسدا نڤیسییە؛ ب هەلکەفتا گەهشتنا وە بۆ یاریا دووماهیێ یا جاما عێراقێ، گەرمترین پیرۆزباهییان ل هەردوو یانەیێن تەپاپێ یێن دهۆک و زاخۆ دکەین.
ئەڤ دەستکەفتە گرۆڤەیە ل سەر شیان و بەهرەیا گەنجێن مە و شانازیەکا مەزنە بۆ تەڤ کوردستانییان.
هەروەسا نڤیسییە: هیڤییا من، سەرکەفتنا وەیە.

یانەیا دهۆکێ د یارییا بەری داویێ ل جاما عێراقێ ب 3 گۆڵان بەرامبەر ب 1 گۆڵەکێ ژ یانەیا قوەجەویە و گەهشتە یاریا داویێ یا جاما عێراقێ.

هەروەسا یانەیا زاخۆ ب لێدانا ئێکلاکر یا پەنەلتیان ل یانەیا شورتە بر و گەهشتە یاریا داویێ یا جامێ.
بڕیارە یاریا داویێ دناڤبەرا زاخۆ و دهۆک، ل دەمژمێر هەشتی ئڤارا ڕۆژا چارشەمبوویێ 16ـی تەممووزا 2057 ل یاریگەها شەعب ل بەغدا ب ڕێڤە بچت.