تۆرا لالش
ئێکەتیا قوتابی و لاوێن دیموکراتا کوردستانێ دوو رێکخراوێن جەماوەری بهێزن، هەردوو رێکخراو خواندنگەهێن گرنگ بوونە، ب رۆلێ پێگەهاندنا قوتابی و لاوان رابوونە دبیاڤێن جودا جودا دا. ئارمانجا وان یا سەرەکی گەهاندنا هزرا نەتەوەی، چاندنا هەستێ نشتیمانی، پاراستنا دەستکەفتێن مللەتێ کوردا، ل کۆنگرەیێ سیێ یێ پارتی دیموکراتی کوردستان 18 ـی شوباتا سالا 1953 سەر دەستێ بابێ روحی و رێبەرێ نەتەوا کورد “بارزانیێ نەمر” هەروو رێکخراو هاتینە دامەزراندن.
هەر ژ دەستپێکا دامەزراندنا هەردوو رێکخراوان هەتا نها خزمەتەکا بێ سنور یا سیاسی، شۆرەشگێری، رەوشەنبیری، پێشکێشی قوتابی و لاوان کریە، بووینە چەپەرێ بەرخودانێ، پێگەهێ زانست و زانست خوزایێ، رۆلەکێ کاریگەر د پێگەهاندنا لاوان و گەهاندنا پەیاما قوتابیان دا هەبوویە.
ژبۆ پاراستنا دەستکەفتێن مللەتێ کورد مل ب ملێ پێشمەرگەیێ کوردستانێ بەشداری د شۆرەشا ئەیلول، شۆرەشا گولانا پێشکەفتی خواز، سەرهلدانا پیرۆز یا سالا 1991، روخاندنا رژێمێ، شەرێ تیرۆرستێن داعش، شەرێ پردێ دا کرینە.
چەندین سەرکردە و شۆرەشگێرێن کوردان دڤان هەردوو رێکخراوان دڤان خواندگەهاندا هاتنە پێگەهاندن، دهەموو شۆرەش و سەردەماندا هەردوو رێکخراوان ئێک ئارمانج هەبوویە، ج چاران هزر دخۆ دهەلوەشاندنێ و خۆ چەماندنێ دا نەکریە، بەلکو پلان و رێکێن خوە گوهارتنە خوە دگەل هەموو سەردەمان گونجاندیە.
رۆژا 15 ـی ئەیارا سالا 2025 ب ئامادەبوونا “سەرۆک بارزانی” ل هەولێرا پایتەخت جارەکا دن کۆنگرەیێ ئێکگرتن یێ هەردوو رێکخراوان هاتە ئەنجام دان.
بریارا جەنابێ “سەرۆک بارزانی” هەردوو رێکخراوان یەک گرت، سەرپەرشتیا فایلێ هەردوو رێکخراوان جێگرێ سەرۆکێ پارتی دیموکراتی کوردستان رێزدار “مەسرور بارزانی” دێ کەت.
بەریا نها شەرێ تانگ و تۆپان بوو، لێ نها سەردەمەکێ نوویە، سەردەم سەردەمێ تەکنەلۆژیایێە، شەرێ پێنوس، سیاسەت، بەلاڤکرنا مادێن هۆشبەرە، دناڤ جڤاکێ کوردی دا، بەلاڤکرنا مادێن هۆشبەر گەلەک مەترسیدار ترە ژ شەرێن بەری نها.
پێشکەڤتنا تەکنەلۆژیایێ و دەرکەتنا سوشیال میدیا یا بەرەلا هاتنا زیرەکیا ژیریا دەستکرد رۆژانە گهۆرینان دروست دکەت، سیاسەتا بەرەلا گەنجان ژ نشتیمان بێ هیڤی و بێ ئومێد دکەت. رۆژ ب رۆژ دەوروبەرێن جڤاکێ کوردی دزڤرن پێخەمەت نەهێلانا داب و نەریتان ژناڤبرنا بیر و باوەران، یا پێدڤی و فەرە هەردوو رێکخراو خوە ب خودانێ ئەڤان ئاریشان بزانن، ب رێکێن سەردەمیانە چارەسەریا وان بکەن، ژبۆ پاراستنا پیرۆزیا نشتیمان و هەبوونا بیرو باوەران.
تُتاح هذه الصورة أيضا في: کوردی
