تۆرا لالش
ل رێكه‌فتی 2025/6/22، شانده‌كێ بنگه‌هێ لالش یێ ره‌وشه‌نبیری و كۆمه‌لایه‌تی ل دهۆكێ، ب سه‌رپه‌رشتیا به‌رێز سه‌عید جردۆ سه‌رۆكێ بنگه‌هێ لالش سه‌ره‌دانا باره‌گه‌هێ قائیمقامیا قه‌زا شێخان كر و ژلایێ قائیمقام سه‌ردار شێخ یه‌حیا ڤه هاتنه پێشوازی كرن.
دڤێ هەڤدیتنێ دا هەردوو لایان بەحس ل چەندین بابەتان کر و قائیمقامێ قەزایی دەست خۆشی ل دەستەیا بنگەهێ لالش کر و دیاركر بنگه‌هێ لالش بەردەوام کاردکەن ژبو خزمەتکرنا سەرجەم وه‌لاتیان و ڕولێ وان ژ بۆ پێش ئێخستنا گیانێ برایەتی و پیکڤەژیانێ ل كوردستانێ و ب تایبه‌ت ل ده‌ڤه‌رێ بلند د نرخینین.
و قائیمقامێ قەزایێ پشتەڤانیا خۆ یا تەمام ژبو بنگه‌هی دووپاتکر و یا دیاركر یا د شیان دابت دێ ب هەماهەنگی ژ بۆ خزمەتکرنا وه‌لاتیێن دەڤەرێ بێی جیاوازی كاركن.
ژ ئالیێ خۆڤه سه‌رۆكێ بنگه‌هێ لالش به‌رێز سه‌عید جردۆ سوپاسی و پێزانینێن خوه پێشكێشی ناڤبری كرن و ڕۆلێ قائیمقامیا شێخان بۆ خزمه‌تكرنا هه‌موو پێكهاتان بلند نرخاند.
ل داویێ هه‌ردوو ئالیان بریار دان د خزمه‌تكرنا وه‌لاتیان دا د هه‌ر بیاڤه‌كی دا پێكڤه كاربكه‌ن و د هه‌ماهه‌نگ بن.
تُتاح هذه الصورة أيضا في: کوردی
