ب كوژمێ 600 ملیۆن دیناران چەندین ڕێیێن ناڤخۆیی ل ناحیا خانكێ دئێنە چێكرن
تۆرا لالش:
ب پشتەڤانیا حكومەتا هەرێما كوردستانێ و ب كوژمێ پتری 600 ملیۆن دیناران دەست ب چێكرنا چەندین ڕێیێن ناڤخۆیی ل ناحیا خانكێ هاتیە كرن.
سەرۆكێ باژێرڤانیا خانكێ ئەندازیار خەیری جەعفەر بۆ دەنگێ لالش گۆت:ب پشتەڤانیا حكومەتا هەرێما كوردستانێ ل ڤان نێزیكان چەندین پرۆژەیێن باشتر یێن خزمەتگۆزاری بۆ ناحیا خانكێ دێ ئێن،نۆكە ژی پرۆژێ چێكرنا ڕێیێن ناڤخۆیی كو پرۆژەیەكێ گرنگە كەفتیە د وارێ بجهئینانێ دا و كار ل سەر چێكرنا ڕێیێن ناڤخۆیی یێ بەردەوامە،هەروەسا چێكرنا ئاڤرێژا ژی ل خانكێ ب كوژمێ 22 ملیۆن دیناران ژلایێ ڕێكخراوەكێ ڤە دەستپێكریە ب درێژاهیا 550 مەتران و كار یێ بەردەوامە ل دەمەك نێزیك دێ ئەو پرۆژە ژی ب داوی ئێت،دیسان ئەم خەلكێ خۆ پشتراست دكەین كو دێ د بەردەوام بین ل سەر بجهئینانا پرۆژێن خزمەتگۆزاری ل دەڤەرێ.
ژبال خۆڤە شێخ ئیبراهیم،ئەندامەكێ لیژنا سەرپەرشت یا پرۆژەیان بۆ دەنگێ لالش دبێژت: پرۆژێ چێكرنا ڕێیێن ناڤخۆیی ب درێژاهیا 1580 مەتران و ئاڤرێژ ژی ب درێژاهیا 550 مەتران كار ل سەر دئێتە كرن،ئێك ژ پرۆژێن نوویە كو ل دەڤەرا خانكێ دئێنە ئەنجام دان و بریارە د ماوێ سالەكێ ئەڤ پرۆژە بێتە بجهئینان.
ناحیا خانكێ سەر ب قەزا سێمێلێ ڤەیە ل سنوورێ پارێزگەها دهۆكێ و ئێزدی و موسلمان لێ دئاكنجی نە.
تُتاح هذه الصورة أيضا في: کوردی