تایبهتمهندهكێ نهخۆشیێن دهروونى:پێتڤیه دهلیڤێن كارى بۆ گهنجان بێنه دابینكرن
تۆرا لالش یا راگههاندنێ:
تایبهتمهندهكێ نهخۆشیێن دهروونى دیاركر كو بێكارى دبته ئهگهرێ گڤاشتنهكێ ل سهر دهروونێ مرۆڤى و دهرئهنجام ئهو كهسه ب خهم دكهڤت و دوودلى و قهلهق ل نك پهیدا دبت،د ماوێ بێكاریێ دا پێتڤیه مه ئاگههـ ژ هندێ ههبت كو فێرى هندهك نهریتێن زیان بهخش نهبین،ههروهسا پێتڤیه حكومهت و جیێن شۆلهژێ كاربكن بۆ كێمكرنا بێكاریێ و دهلیڤێن كارى بۆ گهنجێن مه دابین بكن،چنكو پهیداكرنا كارى بۆ گهنجێ مه دبته ئهگهرێ گرتنا كۆمهكا ئاریشێن جڤاكى و دهروونى.
د.ئاڤا غازى رهشید,تایبهتمهندێ نهخۆشیێن دهروونى بۆ نووش نیوز دیاركر،ساخلهمیا دهروونى كارتێكرنێن جودا جودا ههنه ل سهر ژیانا مرۆڤى،بێكارى دبته ئهگهرێ گڤاشتنهكێ ل سهر دهروونێ مرۆڤى و دهرئهنجام ئهو كهسه ب خهم دكهڤت و دوودلى و قهلهق ل نك پهیدا دبت،ئهڤ گڤاشتنێن دهروونى دگهل هندهك هۆكارێن دیتر ل نك هندهك كهسان دبته ئهگهرێ نهخۆشیێن دهروونى وهك خهمۆكى و دوودلى.
ههروهسا دیاركر،داكو بێكارى كارتێكرنهكا مهزن ل سهر دهروونێ مه نهكهت ئهو گڤاشتنێن دهروونى یێن ژ ئهگهرێ بێكاریێ پهیدادبن وهك ترس و دوودلى،ئهڤه پرۆسێسهكا نۆرماله ئهڤ ئهگهرێن پهیدا دبن وهدكن كو بهردهوام ل كارى بگهرى و ئهگهر كهسهك یێ بێكاربت و ئهڤ بێكاریه نهبته ئهگهرێ گڤاشتنهكێ ل سهر دهروونێ وى كهسى ئهڤه دیار دبت كو ئهو كهسه هێش نزانت كو كاركرن تشتهكێ سهرهكى یه د ژیانا ههر كهسهكى دا.
تایبهتمهندێ نهخۆشیێن دهروونى خویاكر،دهست نهكهفتنا كارى نابته بهلگه كو ئهو كهسێ ل كارى دگهرت كهسایهتیهكا لاواز یا ههى یان شیانێن كاركرنێ وى كهسى نینن و گۆت: داكو كێمبوونا باوهریێ بخۆ ل نك مرۆڤى پهیدا نهبت،گهلهك كهسێن ههین شیانێن كارى یێن باش یێن ههین،ههروهسا كهساتیهكا ب هێز یاههى بهلێ دبت هندهك دهم د ژیانا واندا بێن كو كار دهست نهكهڤت یان ئهو جیێ لێ دژیت دهلیڤێن كارى د كێمن.
د. ئاڤا غازى دازانین پێتڤیه بهردهوام ل دهلیڤێن كارى بگهرین،د ژیانا گهلهك كهسێن ژ مهدا رۆژ هاتینه و بێكار ماینه و ئهگهر پرسیارا كهسێن مهزن بكهین كو ل نك وان ژى ئهڤ ئهگهره چێبووینه و دئێته هژمارتن بهرتهنگاڤیهكا ژیانێ و یه بهردهوام نابت.
دیاركر ژى د ماوێ بێكاریێ دا پێتڤیه مه ئاگههـ ژ هندێ ههبت كو فێرى هندهك نهریتێن زیان بهخش نهبین وهك شهڤێ دمینت هشیار و ب رۆژ دنڤت یان دێ گههته هندهك ههڤالێن خراب،ههروهسا بكارئینانا مادێن هۆشبهر و كرنا قومارێ و بهرێخودانا مالپهرێن بێ پهرده، پێتڤیه رۆژا خۆ ب كارێن باش تژى بكت وهك پهیوهندیێن كۆمهلایهتى ب هێزبێخت.
ل داویێ گۆت:پێتڤیه حكومهت و جیێن شۆلهژێ كاربكن بۆ كێمكرنا بێكاریێ و دهلیڤێن كارى بۆ گهنجێن مه پهیدا بكن،چنكو پهیداكرنا كارى بۆ گهنجێ مه دبته ئهگهرێ گرتنا كۆمهكا ئاریشێن جڤاكى و دهروونى ههروهسا یێن لهشى ژى,كهسێن دهولهمهند كو دراڤهكێ داناى ههى هندهك ژ وى دراڤى بكهنه د پرۆژهیاندا بلا مفایهكێ گهلهك نهبت بهس دێ مفاى گههینته كۆمهكا گهنجان و مفایهكێ مهعنهوى ژى یێ گهلهك مهزن گههته ته و دبت ئهڤ مفایێ مهعنهوى ب دراڤێ خۆ توو نكارى بكرى و دبته ئهگهرێ دلخۆشیێ و ئارامیێ و توو دزانى بۆ جڤاكى خۆ ته كارهكێ ب مفا كر و ته مفا گههانده كۆمهكا گهنجان و پشت وان گهنجان ژى چهند خێزان ههینه و دێ مفاداربن.
س.س
تُتاح هذه الصورة أيضا في: کوردی
