رێڤهبهرێ ناحیا خانكێ: تایبهتمهندیا خانكێ نههاتیه تێكدان و فهرمانگههێن میرى دێ ڤهكهین
دهڤهرا خانكێ ل سالا 1985 هاتیه دامهزراندن و نۆكه نێزیكى 20 گوندان ب خۆڤه دگرت،پشتى ب بریارا سهرۆكێ حكومهتا ههرێمێ مهسرور بارزانى ب فهرمى بوویه ناحیه،وهلاتیێن دهڤهرێ داخواز دكن بتر خزمهتگۆزارى ل دهڤهرێ بێنه ئهنجام دان و فهرمانگههێن میرى بێنه ڤهكرن،رێڤهبهرێ ناحیێ ژى دبێژت: تایبهتمهندیا خانكێ نههاتیه تێكدان و بزاڤێ دێ كهین فهرمانگههێن میرى بێنه ڤهكرن.
تۆرا لالش یا راگههاندنێ / راپۆرت:سهلام سهبرى
فواد مستهفا،بهرپرسێ ناڤهندا وهرزش و لاوان ل خانكێ بۆ دهنگێ لالش دیاركر،ههتا نۆكه وهكو پێتڤى گرنگى ب كهرتێ وهرزشێ نههاتیه دان و گهنجێن دهڤهرێ دورن ژ خزمهت و چالاكیێن وهرزشى،ب تنێ دوو یاریگههێن بچووكرى ههنه،ئهم داخواز دكن بتر گرنگى ب گهنجان بێته دان.
حهمزا عیدۆ،ئێك ژ موختارێن ناحیا خانكێ یه،بۆ دهنگێ لالش دبێژت: داخازا مه ئهوه بتر پرۆژێن خزمهتگۆزارى ل خانكێ و خزمهتا خهلكێ دهڤهرێ بێته كرن،چنكو لگۆر پێتڤى خزمهت نههاتیه كرن،لهوا پشتى خانكێ ژ كۆمهلگهه بوویه ناحى هیڤیدارن بتر گرنگى پێ بێته دان و ب تایبهت ژى دهست ب چێكرنا جاددهیان و ریێن گوندێن كهڤن و بتر پشتهڤانى یا كهرتێ چاندنێ بێته كرن و خهلكێ دهڤهرێ ل ناڤا دام و دهزگههێن میرى دا بێنه دامهزراندن.
ژبال خۆڤه سهباح سمیر،وهك رۆژنامهڤانهكێ دهڤهرێ بۆ دهنگێ لالش گۆت:پاراستنا دیموگرافى و جوگرافیا خانكێ ژبهر تایبهتمهندیا وێ وهك ئێزدى،مه هیڤیه ل بهر چاڤ بێته وهرگرتن وهك دهڤهرهكا ئێزدى ژبۆ پاراستنا وان،دخوازن ههموو فهرمانگههێن سهر ب ناحیێ ڤه ههبن و بێنه ڤهكرن بۆ خزمهتا وهلاتیان و خزمهتگۆزارى و بوودجهیهكێ تایبهت بۆ بێنه ئهنجام دان و دابینكرن و و ژێرخانا ئابوورى بتر پێشڤهببهن.
ههروهسا سهرۆكێ باژێرڤانى یا خانكێ خێرى جهعفهر،بۆ دهنگێ لالش دیاركر،ناحیا خانكێ بتر بهرفرهه بوویه و پشتى ب فهرمى بوویه ناحیه داخوازا مه ئهوه پێشینهیا ههیڤانه یا باژێرڤانیێ بێته زێدهكرن،ژبهركو دا بتر خزمهتا دهڤهرێ بكهین چنكو هێشتا رێژهیهكا جاددهیان نههاتینه چێكرن ژبهرنهبوونا بودجه و پێشینهیا پێتڤى و جاددا ناڤ خانكێ قۆناغا وێ یا سێیێ نههاتیه تهمامكرن و جاددا سهرهكى یا خانكێ بۆ سێمێلێ ئێك سایدا فهره بته جووتساید،هیڤى دكهین ب چاڤهكێ بهرفرههتر ل خانكێ بنێرن و تایبهتمهندى و جوگرافیا وێ بێته پاراستن.
رێڤهبهرێ ناحیا خانكێ شێردل سمۆ،بۆ دهنگێ لالش ئاشكهراكر،دیتنا حكومهتا ههرێمێ بۆ ڤهكرنا ناحیا خانكێ بتر خزمهتا دهڤهرێ دێ ئێته كرن و ههموو فهرمانگههێن دیتر دێ ئێنه ڤهكرن،لگۆر پلان و بودجا بۆ ناحیێ دئێته دابینكرن دێ خزمهتا وهلاتیێن خۆ كهین و دگهل بۆرینا دهمى بزاڤێ دێ كهین فهرمانگههێن میرى ڤهكهین،دوپاتكر ژى ڤهكرنا ناحیا خانكێ رامانا وێ ئهو نینه تایبهتمهندیا دهڤهرێ بێته تێكدان،ئارمانجا مه یا دهست پێكى ئهوه تایبهتمهندیا وێ بێته پاراستن.
س.س
تُتاح هذه الصورة أيضا في: کوردی
