28ملیار دینارێن ئاڤهدانكرنا شنگالێ دیارنینن
تۆرا لالش یا راگههاندنێ /رائد غانم
بهریا شهش ههیڤان حكومهتا عێراقێ بریاردا كو گوژمێ 28 ملیار دیناران بۆ ئاڤهدانكرنا شنگالێ بێنه تهرخانكرن،ههتا نۆكه چوو پرۆژهیێن خزمهتگۆزارى بڤى گوژمێ دراڤى ل شنگالێ نههاتینه ئهنجام دان و چارهنڤیسێ وى دیار نینه.
نایف سهیدۆ،قایمقامێ قهزا شنگال ب وهكالهت بۆ دهنگێ لالش ئاشكهراكر،وهك ئیدارا شنگال هیچ زانیاریهك ل سهر ڤى گوژمێ دراڤى نینه و لژنا ئاڤاكرنا پارێزگهها نهینهوا بهرپرسه ژ ڤى گوژمى،وى دهمى ل راگههاندنێ ژى هاته بهلاڤكرن و لژنهك هاته پێكئینان كو سێ كهس ژ شنگالێ دناڤدا بوون ئهو ژى ههر ئێك ژ رێڤهبهرێن باژێرڤانیێن سنوونێ و شنگالێ و فهرمانبهرهك ژ پهروهردێ بوو،ههروهسا سهرۆكێ لژنا گوژمێ 28 ملیار دیناران عهبدولقادر دهخیل خهلكێ پارێزگهها نهینهوا و سهرۆكێ لژنا ئاڤاكرنا نهینهوا ب گشتى یه،گۆتژى وهك ئیدارا شهرعى یا شنگال ههتا ئیرۆ ژى ئهم تشتهكى ژ وى دراڤى نزانین و یهك دینار ژى دیار نهبوویه و ب رێیا ئیدارا شهرعى هیچ پرۆژهیهك بڤى دراڤى نههاتیه ئهنجام دان.
چالاكڤانێ سڤیل دلشاد سالح كو خهلكێ شنگالێ یه،بۆ دهنگێ لالش گۆت:دخوازین زهلالكرنهك ل دۆر ڤى گوژمێ دراڤى بێته دان،داكو خهلكێ شنگال بزانن چ ل وى دراڤى هات،ههر چهنده گهلهك یێ كێمه ژبۆ ئاڤاكرنا شنگالێ لێ مافێ خهلكێ یه بزانن چ ل وان 28ملیار دیناران هاتیه و بۆچى ئهڤ بابهت هاتیه نڤاندن،داخوازێ ژ نوونهرێن خهلكێ شنگالێ ل پهرلهمانێ عێراقێ دكهین رۆنكرنهكێ ل دۆر ڤێ چهندێ بدهن،دیسان ههتا نۆكه ل سهر عهردێ هیچ پرۆژهیهك بۆ شنگال نههاتیه بجهئینان و ژ شنگال ژئالیێ حكومهتا عێراقێ ڤه هاتیه پشتگوه هاڤێتن.
س.س
تُتاح هذه الصورة أيضا في: کوردی
