روونشتنه‌كا ڤه‌كرى ل دۆر ياسايا رزگاربوويێن ئێزدى هاته سازكرن
تۆرا لالش،دهۆك:
دوهى 16ى تيرمه‌ها 2022 ل بنگه‌هێ لالش ل دهۆكێ،ب ئاماده‌بوونا هژماره‌كا چالاكڤان و ره‌وشه‌نبير و رزگاربوويان،روونشتنه‌كا ڤه‌كرى ل دۆر ياسايا رزگاربوويێن ئێزدى هاته سازكرن.
نڤیسینگەها لالش دهۆك ب هەڤکاری دگەل رێکخراوا رابە بۆ گەشەپێدان و ئاڤاکرنا شیانا و رێكخراوا هه‌ڤالينيا نێڤ ده‌وله‌تى يا سويدى روونشتنەکا ڤەکری سازكر،ل دۆر یاسایا رزگاربوویێن ژ دەستێ داعش یا کو ژلایێ پەرلەمانێ عێراقێ ڤە دەنگدان ل سەر هاتی دان و هەتا نۆكه نەکەفتیە دبوارێ جێبه‌جێکرنێ دا.
ل به‌راهيێ به‌رێز دلشاد سالح به‌رپرسێ نڤيسينگه‌ها لالش دهۆك ب خێرهاتنا ئاماده‌بوويان كر،ل پێرا پارێزه‌ر سوزان خودێدا گرنگترين برگێن ڤێ ياسايێ دانه دياركرن.
ل دووڤدا به‌رێز خالد نوونه‌رێ رێكخراوا هه‌ڤالينيا نێڤ ده‌وله‌تى يا سويدى به‌حس ل رۆلێ گرنگ يێ حكومه‌تا سويد دگێرت ژبۆ هاريكاريكرنا زه‌ره‌رمه‌ندان ژبال رێكخراوا داعش يا تيرۆرى و ب تايبه‌ت ئێزديان.
ل داويا رووشنتنێ گه‌نگه‌شه دناڤبه‌را ئاماده‌بوويان دا ل دۆر ياسايا رزگاربوويان هاته كرن.
تُتاح هذه الصورة أيضا في: کوردی
