عه‌مار ئه‌لحه‌كيم داخوازيه‌كێ ژ كوردان دكه‌ت
گاڤ نيوز
سه‌رۆكێ ره‌وتا حيكمه ئه‌ڤرۆ رۆژا شه‌مبيێ داخوازيه‌ك ژ هێزێن سياسى يێن كوردى كر.
عه‌مار حه‌كيم ئەڤرۆ ل بابل ل خڕڤەبوونەکێ ئامادە بوو و د په‌يڤه‌كێ دا راگەهاند؛ چارچووڤه‌يێ هه‌ماهه‌نگيێ يێ رژده كو ب له‌ز سه‌رۆكوه‌زيرێ نوى يێ ئيراقێ بهێته ده‌ستنيشانكرن.
ته‌كه‌ز ژى كر؛ ئەو پشكداريێ د حكومه‌تا بهێت دا ناكه‌ن، به‌لكو دێ ب كارێ لێكنێزيككرنا بۆچوونان و پشته‌ڤانيا پێكئينانا حكومه‌تێ رابن.
ناڤهاتى داخواز ژ هێزێن سياسى يێن كوردى كر كو ل سه‌ر به‌ربژاره‌كێ بۆ پۆستێ سه‌رۆككۆمارى يان ژى ل سه‌ر ميكانيزما هه‌لبژارتنا وى رێكبكه‌ڤن داكو د رۆژێن بهێت دا روينشتنا په‌رله‌مانى بۆ هه‌لبژارتنا سه‌رۆككۆمارى برێڤه‌بچيت.
چارچووڤه‌يێ هه‌ماهه‌نگيێ دوهى ئه‌ينيێ د كۆمبوونا خۆ دا داخواز كربوو كو روينشتنا په‌رله‌مانى بۆ هه‌لبژارتنا سه‌رۆككۆمارى د ڤێ حه‌فتيێ دا برێڤه‌بچيت.
تُتاح هذه الصورة أيضا في: کوردی
