شوقه‌یه‌كا ڤه‌شارتى دناڤ تاوه‌رێ ئیڤل دا هه‌یه
خانى نيوز:
دبیت گه‌له‌ك كه‌س هه‌تا نوكه نه‌زانن كۆ ئه‌ندازیارێ تاوه‌رێ ئیڤل شوقه‌یه‌كا نهێنى بۆ خوه دناڤ دا درۆستكربوو.
گۆستاڤ ئیڤل، ئه‌ندازیار و ئاڤاكه‌رێ تاوه‌رێ ئیڤل شوقه‌یه‌كا نهێنى یا بچویك بۆ خوه د ناڤ تاوه‌رى دا درۆستكربوو، مه‌ره‌م ژ درۆستكرنا وێ ژى ئه‌و بۆ كۆ ل پێشانگه‌ها جیهانى یا سالا 1889ێ ل پاریس بهێته نیشاندان ل ئاهه‌نگا بیره‌وه‌رییا 100 سالى یا شوره‌شا فه‌ره‌نسى.
ئاڤاكرنا تاوه‌رێ ئیڤل نێزیكى 2 سالان ڤه‌كێشا كۆ ل سالا 1887ێ ده‌ست ب ئاڤاكرنێ هاته‌كرن و ل سالا 1889ێ ب دوماهى هات. بلنداهییا وێ 324 مێته‌رن و پترى 7 هزار ته‌نێن ئاسنى لێ هاتینه مه‌زاختن.
پاشان هاته ئاشكه‌راكرن كۆ ئه‌ندازیار گۆستاڤ ئیڤلى شوقه‌یه‌كا بچویك بۆ خوه تێدا درۆستكرییه كۆ دكه‌ڤیته قاتێ سییێ یێ تاوه‌رى، دیوارێن وێ ب كاغه‌زا دیواران هاتبوونه نه‌خشاندن و كه‌لوپه‌لێن ناڤمالێ یێن جوان و پیانۆیه‌ك و كه‌لوپه‌لێن زانستێ فه‌له‌كى و تاقیكرنێن فیزیایى تێدا هه‌بوون. نوكه ئه‌و شوقه ل به‌رامبه‌ر خه‌لكى هاتیه ڤه‌كرن كۆ سه‌ره‌دانێ بۆ بكه‌ن.
تُتاح هذه الصورة أيضا في: کوردی
