ئۆلدارەكێ ئێزدی:سفكاتیكرن ب پیرۆزیێن لالش گونەهەكا مەزنە
تۆرا لالش:
پەرستگەها لالش جیێ هەرە پیرۆزە دباوەریا ئێزدیان دا،ل ماوێ چەند رۆژێن بۆری سفكاتی ب جیێ مرازێ ژلایێ چەند گەنجان ڤە هاتیە كرن،ڤێ یەكێ ژی دەنگڤەدانەكا مەزن ل ناڤا جڤاكا ئێزدی پەیداكر و نەرازیبوونا خۆ ل هەمبەر ڤان كارێن كرێت دانە دیاركرن،ئۆلدارەك ژی دبێژت:سفكاتیكرن ب پیرۆزیێن لالش گونەهەكا مەزنە.
مجێورێ ستوونا مرازا و مەزارگەهێ مەم شڤان ل پەرستگەها لالش(پیر خەلات) بۆ رۆژناما دەنگێ لالش دیاركر،لالش جیێ هەرە پیرۆزە دباوەریا ئێزدیان دا،مخابن بەریا چەند رۆژان هندەك كەسان بێ رێزی و سفكاتی ب ستوونا مرازا كر،ئەڤە كارەكێ كرێتە و گونەهباریەكا مەزنە ل دنیایێ و ئاخرەتێ،دیسان هندەك كەس رادبن ب نڤیسینا نەخش و پەیڤان لسەر دیوارێن خاس و باب چاكان ل پەرستگەهێ.
پیر خەلات گۆتژی ئەڤ كەسێن بێ رێزی و سفكاتی كرین ژ نەزانینا وان بوویە و هیڤیدارن خەلكێ مە خۆ ژ ڤان كارێن نە جوان دوور بكن و پیرۆزیا لالش بپارێزن.
تُتاح هذه الصورة أيضا في: کوردی