ب پشكداريا بنگه‌هێ لالش كۆربه‌ندا هه‌رێمى يا مافێ كێمينه‌يان هاته گێران
سه‌ما:
ب پشكداريا بنگه‌هێ لالش يێ ره‌وشه‌نبيرى و جڤاكى،كۆربه‌ندا هه‌رێمى يا ئه‌فريقيا و رۆژهه‌لاتا ناڤين (2021) سه‌ر ب نه‌ته‌وه‌يێن ئێكگرتى ڤه يێ گرێدايى ب ماف و دۆزه‌يێن كێمينه‌يان هاته گێران.
كۆربه‌ندا هه‌رێمى يا ئه‌فريقيا و رۆژهه‌لاتا ناڤين سه‌ر ب نه‌ته‌وه‌يێن ئێكگرتى ڤه ل رۆژێن 15_16/6/2021ێ ب شێوێ ئۆنلاين هاته گێران.
شه‌مۆ قاسم،وه‌كو نوونه‌رێ بنگه‌هێ لالش پشكدارى كۆربه‌ندى بوو كو چه‌ند پێشنيار پێشكێشكرن ئه‌و ژى گره‌نتيا مافێ كێمينه‌يان ل ده‌ستوورێ عێراقێ و هه‌رێما كوردستانێ دا ژبال هه‌موويان ڤه بۆ خورتكرنا خۆ گونجاندن و هه‌ڤگرتنا جڤاكى،كاركرن ب هه‌موو رێيان بۆ ڤه‌گه‌راندنا خه‌لكێ شنگال يێن ل ناڤا كه‌مپان دا دژين كو سێكته‌رێن ژيانێ ل نينن بۆ سه‌ر جى و وارێ خۆ ڤه و دابينكرنا ته‌ناهى و ئاراميێ ل ده‌ڤه‌رێ،بجهئينانا ته‌ڤايا به‌ندێن رێككه‌فتنا شنگال دناڤبه‌را حكومه‌تا عێراقێ و حكومه‌تا هه‌رێما كوردستانێ دا ب پشكداريا نه‌ته‌وه‌يێن ئێكگرتى،دابينكرنا ژيانه‌كا شايسته بۆ كچ و ژنێن رزگاربوويێن ئێزدى يێن ژ چه‌وساندنێ نالين ژ ده‌ستێ تيرۆرستێن داعشێ داكو بكارن خۆ بگونجينن لگه‌ل جڤاكى.
تُتاح هذه الصورة أيضا في: کوردی
